ଅମୃତସର; ଯାଜପୁର ୦୮/୦୨ (ସନ୍ଧାନ ନିୟୁଜ): ପଞ୍ଜାବରେ ବିସ୍ଫୋରଣ ଘଟି ୧୫ ଜଣଙ୍କ ମୃତ୍ୟୁ ହୋଇଛି । ପଞ୍ଜାବର ତରନତାରନରେ ନଗର କୀର୍ତ୍ତନ ସମୟରେ ଏକ ବାଣ ବୋଝେଇ ଟ୍ରାକ୍ଟରରେ ବିସ୍ଫୋରଣ ହୋଇଥିବା ସୂଚନା ମିଳିଛି । ଏହି ବିସ୍ଫୋରଣରେ ୧୫ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି ।
ଟ୍ରାକ୍ଟର ଟ୍ରଲିରେ ନଗର କୀର୍ତ୍ତନ ସମୟରେ ବାଣ ନେଉଥିବା ବେଳେ କୌଣସି କାରଣରୁ ନିଆଁ ଲାଗି ବିସ୍ଫୋରଣ ହୋଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଛି । ବାବା ଦୀପ ସିଂହଙ୍କ ଜନ୍ମଦିନ ଉପଲକ୍ଷେ ଏହି ନଗର କୀର୍ତ୍ତନ କରାଯାଉଥିଲା । ପୋଲିସ ଘଟଣାସ୍ଥଳରେ ଯାଞ୍ଚ କରୁଥିବା ବେଳେ ଟ୍ରାକ୍ଟର ଟ୍ରଲି ଛିନଛତ୍ର ହୋଇଯାଇଛି ।
