ନୀଳସୁନ୍ଦର ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀରେ ଯୋଗଦେବା ପାଇଁ ଆଜି ଆସୁଛନ୍ତି ରାଜ୍ୟପାଳ

ଧର୍ମଶାଳା,୧୭/୧୨ (ସନ୍ଧାନ ନିୟୁଜ) ଧର୍ମଶାଳା ବ୍ଲକ ନେଉଳପୁରସ୍ଥିତ ନୀଳସୁନ୍ଦର ସରକାରୀ ଉଚ୍ଚ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ଉସôବ ଆସନ୍ତା ୧୭ ଓ ୧୮ ତାରିଖରେ ଦୁଇଦିନ ଧରି ଅନୁଷ୍ଠିତ ହେବ । ୧୭ ତାରିଖ ପୂର୍ବାହ୍ନରେ ହେବାକୁ ଥିବା ଉଦଘାଟନ ଉସôବରେ ମୁଖ୍ୟ ଅତିଥି ଭାବରେ ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲ, ମୁଖ୍ୟବକ୍ତା ଭାବରେ ଉଚ୍ଚଶିକ୍ଷା, କୃଷି ଓ ପ୍ରାଣୀ ସମ୍ପଦ ବିଭାଗର ମନ୍ତ୍ରୀ ଅରୁଣ ସାହୁ, ସମ୍ମାନୀତ ଅତିଥି ଭାବରେ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ  ଯୋଗଦେବେ । ସେହିପରି ୧୮ ତାରିଖରେ ଉଦଯାପନ ଉସôବରେ ବ୍ଲକ ଅଧ୍ୟକ୍ଷ ପ୍ରଭାତ ବଳବନ୍ତରାୟ ଓ ଅନ୍ୟ ଅତିଥି ମାନେ ଯୋଗ ଦେବେ । ୧୭ ତାରିଖରେ ସାଂସ୍କୃତିକ କାର୍ଯ୍ୟକ୍ରମରେ ଆନ୍ତର୍ଜତିକ ଯାଦୁଗର ହେମନ୍ତ କୁମାର ସାହୁ ଓ କଟକର ରୋଜ ଟ୍ରି ଡ୍ୟାନ୍ସ ଷ୍ଟୁଡିଓ ଓ  ୧୮ ତାରିଖରେ ହାସ୍ୟ ଅଭିନେତା  ଜୁନିୟର ପପୁ ଦୀପକ ରଞ୍ଜନ ନାୟକ ଓ କଣ୍ଠଶିଳ୍ପୀ ଦୀପ୍ତିରେଖା ପାଢୀ ଓ ସାଥୀମାନଙ୍କ ଦ୍ୱାରା ସଙ୍ଗୀତ ନୃତ୍ୟ କାର୍ଯ୍ୟକ୍ରମ ଅନୁଷ୍ଠିତ ହେବ । ଉକ୍ତ ଦିନ ସକାଳେ ବୃକ୍ଷରୋପଣ ଓ ଛାତ୍ରଛାତ୍ରୀମାନଙ୍କ ବନ୍ଧୁ ମିଳନ କାର୍ଯ୍ୟକ୍ରମ ରହିଛି ବୋଲି କମିଟିର ସୁବର୍ଣ୍ଣ ଜୟନ୍ତୀ କମିଟିର ସଭାପତି ବିଜୟ କୁମାର ରାମ ଓ ସମ୍ପାଦକ ଅରୁଣ କୁମାର ନାୟକ ସୂଚନା ଦେଇଛନ୍ତି ।//Report- Manas Rout