ଡାଲମିଆ କଲେଜର ପୂର୍ବତନ ଅଧ୍ୟକ୍ଷ ତଥା ବଡ଼ ଗାଁର ଶିକ୍ଷାବିତ ନିତ୍ୟାନନ୍ଦ ମିଶ୍ରଙ୍କର ପରଲୋକ

ସୁନ୍ଦରଗଡ, ୨୬/୬/୨୦୨୧ (ସନ୍ଧାନ ନିଉଜ/ରାଜୁ ପଟେଲ) : ବଡ଼ ଗାଁ ର ସୁ ପରିଚିତ ଶିକ୍ଷାବିତ ନିତ୍ୟାନନ୍ଦ ମିଶରଙ୍କର ଗତକାଲି ଦିନ ୧୦ଟା ୩୦ ମିନିଟରେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିସିତ ଅବସ୍ଥାରେ  ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୮୭ ବର୍ଷ ବୟସ ହୋଇଥିଲା । ସେ କିଛିଦିନ ତଳେ ତାଙ୍କ ଦେହ ଅସୁସ୍ଥ ହେବାରୁ ଭୁବନେଶ୍ୱର ଡାକ୍ତରଖାନାରେ ଚିକିତ୍ସିତ ହେଉଥିଲେ । ସେ ବହୁତ ଦିନଧରି ରାଜଗାଙ୍ଗପୁରେ ଥରେ ଥିବା ଡାଲମିଆ କଲେଜ ଓ ବଣେଇ କଲେଜରେ ଅଧ୍ୟକ୍ଷ ଭାବେ କାର୍ଯ୍ୟ କରିଥିଲେ । ଅଧ୍ୟକ୍ଷ ଥିବା ସମୟରେ ସେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟରେ ନିଜକୁ ନିୟୋଜିତ କରିଥିଲେ । ଶ୍ରୀଯୁକ୍ତ ମିଶ୍ର ରେଭେନ୍ସା କଲେଜରେ ସ୍ନାତକ ସାରିବା ପରେ ବଡ଼ ଗାଁ ହାଇସ୍କୁଲରେ ଶିକ୍ଷକତା ଜୀବନ ଆରମ୍ଭ କରିଥିଲେ । ତାଙ୍କ ବିୟୋଗରେ ଅଂଚଳର ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି ।