ଜୟପୁର, ୯/୯, (ସନ୍ଧାନ ନିୟୁଜ):: ହାର୍ଡକୋର ମାଓବାଦୀ ରାମ ପାଙ୍ଗୀକୁ ବିଏସ୍‌ଏଫ୍‌ ଯବାନମାନେ ରବିବାର ଗିରଫ କରିଛନ୍ତି। ସୂଚନା ଅନୁସାରେ ମାଲକାନଗିରି-କୋରାପୁଟ-ବିଶାଖା ଡିଭିଜନର ସଦସ୍ୟ ରାମ (୨୨) ସଂପର୍କରେ ସୂଚନା ପାଇ ବିଏସ୍‌ଏଫ ଯବାନମାନେ ଘଟଣାସ୍ଥଳରେ ପହଞ୍ଚିଥିଲେ। ରାମଙ୍କ ସହିତ ଅନ୍ୟ ୪ ଜଣ ମିଲିସିଆ ମଧ୍ୟ ଗିରଫ ହୋଇଥିବା ଜଣାପଡ଼ିଛି।

ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ଥାନା ଅନ୍ତର୍ଗତ ବଚେଲପଦର ନିବାସୀ ରାମ ନାଁରେ ରାଜ୍ୟ ସରକାର ୧ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଥିଲେ। ବିଶ୍ୱସ୍ତ ସୂତ୍ରରୁ ବିଏସ୍‌ଏଫ ଇଣ୍ଟଲିଜିଏସ୍‌ ବିଭାଗକୁ ରାମ ସଂପର୍କରେ ସୂଚନା ମିଳିଥିଲା। ଏହା ପରେ ବିଏସ୍‌ଏଫ୍‌ ଯବାନମାନେ ଅପରେସନ ଆରମ୍ଭ କରିଥିଲେ।