କୋଟିଏ ଟଙ୍କାର ବ୍ରାଉନସୁଗାର ଜବତ, ୪ ଗିରଫ

ଭଦ୍ରକ, (ସନ୍ଧାନ ନିଉଜ): ୧ କିଲୋର ବ୍ରାଉନ ସୁଗାର ଜବତ । ଭଦ୍ରକ ପୋଲିସ ଚଢଉ କରି ବିପୁଳ ପରିମାଣର ବ୍ରାଉନସୁଗାର ଜବତ କରିଛି । ଜବତ ଧଳାଜହରର ଆନୁମାନିକ ମୂଲ୍ୟ ୧ କୋଟି ଟଙ୍କାରୁ ଅଧିକ ହେବ ବୋଲି ଜଣାପଡିଛି । ଏହି ଘଟମାରେ ପୋଲିସ ୪ ଜଣଙ୍କୁ ଗିରଫ କରିଥିବା ବେଳେ ସେମାନଙ୍କଠାରୁ ୧ ଲକ୍ଷ ଟଙ୍କା ଜବତ କରିଛି । ଗିରଫଙ୍କ ମଧ୍ୟରେ ଜଣେ ମହିଳା ଥିବା ଜଣାପଡିଛି । ତେବେ ଏକ ଅଟୋରେ ଜଳେଶ୍ବରରୁ ଭଦ୍ରକ ଆସୁଥିବା ବେଳେ ପୋଲିସ ଧଳାଜହର ଜବତ କରିଥିଲା । ଗିରଫଙ୍କ ମଧ୍ୟ ରେ ଡ୍ରଗସ୍ ମାଫିଆ ଚାଚିର ଭାଇ ରହିଥିବା ସୂଚନା ମିଳିଛି ।