ବୈପାରିଗୁଡା,୨୬/୨(ସନ୍ଧାନ ନିଉଜ) – କୋରାପୁଟ ଜିଲ୍ଲାର ବୈପାରିଗୁଡା ସ୍ଥିତ ବାତ୍ରିପୁଟ ଛକ ଠାରେ ବୈପାରିଗୁଡା ପୋଲିସ ଏବଂ ୧୩ ବାଟାଲିୟନ ବିଏସଏଫ ଯବାନ ଙ୍କ ମିଳିତ ଚଢ଼ାଉ କରି ୫ଲକ୍ଷ ରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ କରିବା ସହିତ ଜଣକୁ ଅଟକ ରଖିଛି ବୈପାରିଗୁଡା ପୋଲିସ ।କୌଣସି ଏକ ବିଶେଷ ସୂତ୍ରରୁ ଖବର ପାଇ ଏହି ଭଳି ଚଢ଼ାଉ କରି ଥିବା ବୈପାରିଗୁଡା ଥାନା ଅଧିକାରୀ ରମେଶ କୁମାର ଦେବର୍ତ୍ତା ପ୍ରକାଶ କରିଛନ୍ତି । ଚାରିଚକିଆ ମରୁତି ସୁଜୁକି ଓମିନି ଗାଡି ନଂ – CG 04 HB 0310 ରେ ଗଞ୍ଜେଇ ଚାଲାଣ ହେଉଥିବା ବେଳେ ବୈପାରିଗୁଡା ପୋଲିସ ଏବଂ ୧୩ ବାଟାଲିୟନ ବିଏସଏଫ ଯବାନ ମିଳିତ ହୋଇ ଗାଡିକୁ ଯାଞ୍ଚ କରିଥିଲେ ଏବଂ ଗଞ୍ଜେଇ ଧରିବାରେ ସଫଳ ହୋଇଥିଲେ । ଏହି ଗଞ୍ଜେଇ ମାଲକାନଗିରି ଜିଲ୍ଲାରୁ ଛତିଶଗଡ଼ ଜିଲ୍ଲାର ରାୟପୁର କୁ ଯାଉଥିବା ପୋଲିସ ପକ୍ଷରୁ ସୂଚନା ମିଳିଛି ।ଏହି ଗାଡି ଭିତରେ ୪୫କେଜି ରୁ ଉର୍ଦ୍ଧ୍ବ ଗଞ୍ଜେଇ ଚାଲାଣ ହେଉଥିବା ବେଳେ ରାୟପୁର ଅଞ୍ଚଳର ୨୨ବର୍ଷୀୟ ଯୁବକ ରାଣବୀର ଟଣ୍ଡନ କୁ ବୈପାରିଗୁଡା ପୋଲିସ ଅଟକ ରଖି ପଚରା ଉଚାର କରିବା ପରେ କୋର୍ଟଚାଲାଣ କରିଛି ।ଗଞ୍ଜେଇ ଓଜନ କରିବା ସମୟରେ ମାଜିଷ୍ଟ୍ରେଟ ଭାବେ ବୈପାରିଗୁଡା ଅତିରିକ୍ତ ତହସିଲଦାର ଶ୍ରୀଯୁକ୍ତ ସଂଜୀବ କୁମାର ସାହୁ ଉପସ୍ଥିତ ଥିଲେ । ଥାନା ପକ୍ଷରୁ ଏସ ଆଇ ଶ୍ରୀକାନ୍ତ ସାହୁ,ଏ ଏସ ଆଇ ଗୋପାଳ ବରାଡ,ବିଏସଏଫ ଯବାନ ଙ୍କ ମଧ୍ୟରେ ନିତ୍ୟାନନ୍ଦ ସାମଲ,ସନ୍ତୋଷ ବାଘ ଙ୍କ ସମେତ ବହୁ ପୋଲିସ, ଗୃହରକ୍ଷୀ ଏବଂ ୧୩ ବାଟାଲିୟନ ବିଏସଏଫ ଯବାନ ମାନେ ଉପସ୍ଥିତ ଥିଲେ ।
ରିପୋର୍ଟ – ସରୋଜ କୁମାର ଲେଙ୍କା , ବୈପାରିଗୁଡା
