ଦେଶୀ ମଦ ଜବତ, ବେପାରୀ କୋର୍ଟ ଚାଲାଣ

ରସୁଲପୁର, ୨୫/୨(ସନ୍ଧାନ ନିଉଜ/ ଜଗମୋହନ ରାଉତ) ରସୁଲପୁର ବ୍ଲକ ଅନ୍ତର୍ଗତ କଲଣ ଗ୍ରାମର ଏକ ଚିକେନ ଦୋକାନରୁ କୁଆଖିଆ ପୋଲିସ ପକ୍ଷରୁ ଚଢାଉ କରାଯାଇ ୩ଲିଟର ମହୁଲି ମଦ ଜବତ କରାଯାଇଛି । ମଦ କାରବାରରେ ସଂପୃକ୍ତ ବନା ମଳିକକୁ ପୋଲିସ ଗିରଫ କରି ଆଜି କୋର୍ଟ ଚାଲାଣ କରିଛି । ପ୍ରକାଶଥାଉ କି ଅଭିଯୁକ୍ତ ଦୋକାନରେ ମଦ୍ ବ୍ୟବସାୟ କରୁଛି ବୋଲି ପୋଲିସ ନିକଟରେ ଖବର ରହି ଆସୁଥିଲା । ସେହି ମୁତାବକ ରବିବାର ରାତିରେ ପୋଲିସ ପାଟ୍ରୋଲିଂ ଗାଡି ଦୋକାନ ଉପରେ ଚଢାଉ କରି ମଦ ଜବତ କରିବା ସହ ବ୍ୟବସାୟୀକୁ ଗିରଫ କରିଥିଲା । ଏ ସଂପର୍କରେ ପୋଲିସ କେସ୍ ନଂ-୪୪/୧୯ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ।