ସୁନ୍ଦରଗଡ ତା:୬/୭/୨୦୨୬( ସନ୍ଧାନ ନ୍ୟୁଜ) ଆଜି ସୁନ୍ଦରଗଡ଼ ମସ୍ନିକାନୀ ଠାରେ ସୁନ୍ଦରଗଡ଼ ବନଖଣ୍ଡ ପକ୍ଷରୁ ଆୟୋଜିତ “ମା’ ପାଇଁ ଗଛଟିଏ–୩.୦” ବନଖଣ୍ଡ ସ୍ତରୀୟ ୭୭ତମ ବନ ମହୋତ୍ସବ–୨୦୨୬ କାର୍ଯ୍ୟକ୍ରମରେ ମାନ୍ୟବର କେନ୍ଦ୍ରମନ୍ତ୍ରୀ ତଥା ସୁନ୍ଦରଗଡ଼ ସାଂସଦ ଶ୍ରୀ ଜୁଏଲ ଓରାମ ଓ ତଳସରା ବିଧାୟକ ତଥା ବିଧାନସଭା ଉପବାଚସ୍ପତି ଶ୍ରୀଯୁକ୍ତ ଭବାନୀ ଶଙ୍କର ଭୋଇ ଯୋଗଦେଇ ବୃକ୍ଷରୋପଣ କରିଥିଲି। “ମା’ ପାଇଁ ଗଛଟିଏ” କେବଳ ଏକ ବୃକ୍ଷରୋପଣ ଅଭିଯାନ ନୁହେଁ, ବରଂ ପ୍ରକୃତି, ପରିବେଶ ଓ ଆଗାମୀ ପିଢ଼ି ପ୍ରତି ଆମର ଦାୟିତ୍ୱବୋଧର ଏକ ସୁନ୍ଦର ପ୍ରତୀକ। ଗୋଟିଏ ଗଛ କେବଳ ଛାଇ କିମ୍ବା ଅମ୍ଳଜାନ ଦିଏ ନାହିଁ, ଏହା ଆମର ଆଗାମୀ ପିଢ଼ି ପାଇଁ ଏକ ସୁରକ୍ଷିତ ଓ ସବୁଜ ଭବିଷ୍ୟତର ଭିତ୍ତି ସୃଷ୍ଟି କରେ। ଆଜିର ଏହି ବୃକ୍ଷରୋପଣ ଆଗାମୀ ଦିନରେ ପରିବେଶ ସୁରକ୍ଷା ପ୍ରତି ଆମ ସମସ୍ତଙ୍କ ସଂକଳ୍ପକୁ ଆହୁରି ଦୃଢ଼ କରିବ ବୋଲି ମୋର ବିଶ୍ୱାସ। ପ୍ରକୃତିର ସୁରକ୍ଷା ହିଁ ମାନବଜାତିର ସୁରକ୍ଷା, ଏବଂ ବୃକ୍ଷରୋପଣ ହେଉଛି ଏହି ଦିଗରେ ସର୍ବୋତ୍ତମ ପଦକ୍ଷେପ। ସମସ୍ତେ ମିଶି ଅଧିକରୁ ଅଧିକ ଗଛ ଲଗାଇ ସବୁଜ, ସୁନ୍ଦର ଓ ସମୃଦ୍ଧ ଓଡ଼ିଶା ଗଠନରେ ନିଜର ସହଯୋଗ ବଢ଼ାଇବା। ଆଜିର ଗୋଟିଏ ଗଛ, ଆସନ୍ତାକାଲିର ସୁସ୍ଥ ଜୀବନ ଓ ସମୃଦ୍ଧ ପୃଥିବୀର ଆଧାର।
