ଏକ ଦିବସୀୟ କବାଡି ଟୁର୍ଣ୍ଣାମେଣ୍ଟ: ନେଉଳପୁର ଚାମ୍ପିଆନ

ଧର୍ମଶାଳା, ୩୦/୧୨(ସନ୍ଧାନ ନିଉଜ) ଧର୍ମଶାଳା ବ୍ଲକ ଅନ୍ତର୍ଗତ ନେଉଳପୁର ପଡିଆରେ ଏକ ଦୀବସୀୟ କବାଡି ଟୁର୍ଣ୍ଣାମେଂଟ ଅନୁଷ୍ଠିତ ହୋଇଯାଇଛି । ଏଥିରେ ୮ଟି ଟିମ୍ ଭାଗ ନେଇଥିଲେ । ନେଉଳପୁର ଏନ.ଏସ.ଏଚ କବାଡି କ୍ଲବ ଓ ଓରିୱରା କବାଡି କ୍ଲବ କୋତପୁର ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ଏଥିରେ ନେଉଳପୁର କ୍ଲବ କୋତପୁର କ୍ଲବକୁ ୨-୧ ସେଟ୍ ରେ ପରାସ୍ତ କରି ଚାମ୍ପିଆନ ଅର୍ଜନ କରିଥିଲା । ଯାଜପୁର ନେହେରୁ ଯୁବ କେନ୍ଦ୍ର ଓ ବାବା ଗୋକର୍ଣ୍ଣଶ୍ୱର ଯୁବକ ସଂଘ ମିଳିତ ଆନୁକୂଲ୍ୟରେ ଆୟୋଜକ ଉଦଘାଟନୀ ଉତ୍ସବରେ ଅତିଥି ଭାବେ ଅଜୟ ବାରିକ, ପଂଚାନନ ରାଉତ, ଏସ.କେ.ସାବିରି ଯୋଗଦେଇଥିବା ବେଳେ ଉଦଯାପନୀ ଉତ୍ସବରେ ଅତିଥି ଭାବରେ ସୁନ୍ଦରିଆ ଗ୍ରାମ ପଂଚାୟତର ପୂର୍ବତନ ସରପଂଚ କଟୁରୀ ନାୟକ, ଜଗଦିଶ ସାମଲ, ଜୁବେର ଖାଁ, ପ୍ରତୀକ ସାମଲ, ରାଜ କିଶୋର ସାହୁ ପ୍ରମୁଖ ଯୋଗ ଦେଇ ଉଭୟ ଦଳକୁ ଟ୍ରଫି ପ୍ରଦାନ କରିଥିଲେ । ସଭାପତି ସଂଜୟ ବେହେରା ବିବରଣୀ ପାଠ କରିଥିବା ବେଳେ ଅରୁଣ କୁମାର ରଣା ଧନ୍ୟବାଦ ଅର୍ପଣ କରିଥିଲେ ।