ଅଗ୍ନିକାଣ୍ଡରେ ଜଳିଗଲା ୩ ବଖରା ଘର: ସୁନା ରୁପା ଟଙ୍କା ସହ ବହୁ ଜରୁରୀ କାଗଜ ପତ୍ର ପୋଡ଼ି ପାଉଁଶ

Spread the love

କୋରାଇ, ୨୬/୦୨ (ସନ୍ଧାନ ନିୟୁଜ୍/ଆଜମିର ଅଲ୍ଲୀ) କାଲି ରାତ୍ର ପ୍ରାୟ ୯,୩୦ ସମୟ ହେବ କୋରାଇ ବ୍ଳକ ସାଦକପୁର ଗ୍ରାମର କାଜି ମହଲାରେ ସେକ ଆଲାଉ ଦିନଙ୍କ ଘରେ ହଟାତ ଅଗ୍ନିକାଣ୍ଡ ଘଟିଥିଲା ରାତ୍ର ଅଧିକ ହେଇନଥିବା କାରଣରୁ ଗ୍ରାମ ବାସୀମାନେ କେହି ସୋଇ ନଥିଲେ ହଟାତ ଦେଖିବାକୁ ପାଇଥିଲେ ଏକ ଚାଳ ଘର ହୁତୁ ହୁତୁ ହୋଇ ଜଳିଯାଉଛି ହୋ ହାଲା ହୋଇ ଲୋକମାନେ ଆସି ପାଖରେ ଥିବା ଗଡ଼ିଆ କୂଅ ପୋଖରୀରୁ ପାଣି ଆଣି କିଛି ମାତ୍ରାରେ ନିଆଁକୁ ଆୟତ କରିଥିଲେ, ନିଆଁ ଏତେ ପ୍ରଖର ଥିଲେଯେ ଲିଭିବାର ନା ବି ଧରୁନଥିଲା ,ଖବର ପାଇ ସଂଗେ ସଂଗେ ଅଗ୍ନିଶମ କର୍ମଚାରୀ ମାନେ ପହଂଚି ନିଆଁକୁ ଆୟତ କରିଥିଲେ ।ନିଆଁ ଆୟତ ହେଲା ବେଳକୁ ତିନି ବଖରା ଘର ପୋଡ଼ି ଜଳି ପାଉଁଶ ହୋଇଯାଇଥିଲା ,ଘରର ମାଲିକ କହିବା ଅନୁଯାୟୀ ନଗଦ କିଛି ଟଙ୍କା, ସୁନା, ରୁପା, ବହୁ ଜରୁରୀ କାଗଜ ପତ୍ର ସହ ଘରର ସମସ୍ତ ଆସବା ପତ୍ର ପୋଡ଼ି ପାଉଁଶ ହୋଇଯାଇଛି, କିଛିବି ଖେଣ୍ଡେ ଅଗ୍ନିର ଦାଉରୁ ରକ୍ଷା କରିପାରି ନଥିଲେ ଏମିତିକି ପିନ୍ଧିବା ବସ୍ତ୍ର ଖଣ୍ଡିଏବି ଉଦ୍ଧାର କରି ନାହାଁନ୍ତି ,ଜିଲ୍ଲା ପ୍ରଶାସନ ସ୍ଥାନୀୟ ବିଧାୟକ ସ୍ବେଚ୍ଛାସେବୀ ଅନୁଷ୍ଠାନ କିଛି ସାହାଯ୍ୟ କରିବାକୁ ଲୋକମାନେ ଦାବି କରିଛନ୍ତି ।