ବାରିପଦା ,ବାଲିଗୁଡା ୩/୯/୨୦ (ସନ୍ଧାନ ନିଉଜ) :- କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ତୁମୁଡ଼ିବନ୍ଧ ପୋଲିସ୍କୁ ମିଳିଛି ଏକ ବଡ଼ ସଫଳତା । ୯ଜଣିଆ ଡକାୟତି ଗ୍ୟାଙ୍ଗ୍କୁ ଗିରଫ କରିବାରେ ସକ୍ଷମ ହୋଇଛି ତୁମୁଡ଼ିବନ୍ଧ ପୋଲିସ୍ । ଦୀର୍ଘଦିନ ଧରି ତୁମୁଡ଼ିବନ୍ଧ ଥାନା ଅଞ୍ଚଳରେ ଚୋରି ଡକାୟତି ଚଳାଇ ଆସୁଥିଲେ ଏହି ଗ୍ୟାଙ୍ଗ୍ । ସେମାନଙ୍କ ନିକଟରୁ ୧୩ଟି ମୋବାଇଲ୍, ଦୁଇଟି ଛୁରୀ, ଗୋଟିଏ ଖେଳଣା ବନ୍ଧୁକ, ଦୁଇଟି ସିଆରଏଫ୍ ଡ୍ରେସ୍, ଗୋଟିଏ ମୋଟରସାଇକେଲ ସହ ୧୨ହଜାର ଟଙ୍କା ଜବତ କରିଛି ପୋଲିସ୍ ।ପୂର୍ବ ସୂଚନା ଅନୁଯାୟୀ ତୁମୁଡ଼ିବନ୍ଧ ପୋଲିସ୍ ଘଟଣାର ତଦନ୍ତ ଜାରି ରଖିବା ସହ ସନ୍ଦିଗ୍ଧଙ୍କ ଉପରେ ନଜର ରଖିଆସୁଥିଲେ । ଏହାପରେ ଥାନା ଅଧିକାରୀ ଅଲେଖ ଗରଡ଼ିଆ ବିଶ୍ୱସ୍ତ ସୂତ୍ରରୁ ଖବର ପାଇ ନିଜ ଟିମ୍ ସହ ଚଢ଼ାଉ କରିଥିଲେ ଏବଂ ତୁମୁଡ଼ିବନ୍ଧ ଥାନା ଅଞ୍ଚଳରୁ ଗ୍ୟାଙ୍ଗର ୯ଜଣ ସଦସ୍ୟଙ୍କୁ ଗିରଫ କରିବାରେ ସକ୍ଷମ ହୋଇଛନ୍ତି । ଏଥିସହିତ ଏହି ଗ୍ୟାଙ୍ଗ୍ରେ ଆଉ କିଏ ସମ୍ପୃକ୍ତ ଅଛି ଏବଂ କ’ଣ କ’ଣ ଘଟଣା ଘଟାଇଛନ୍ତି ବା ଆଗକୁ କ’ଣ ଯୋଜନା ରହିଥିଲା ସେନେଇ ଘଟଣାର ଅଧିକ ତଦନ୍ତ ଚଳାଇଥିବା ପୋଲିସ୍ ପକ୍ଷରୁ ସୂଚନା ମିଳିଛି ।
