ଭଦ୍ରକ, ୧୨/୨/୨୦ (ସନ୍ଧାନ ନିଉଜ) : ଏହି ଜିଲାର ତିିହିଡି ତହସିଲ ସିନ୍ଦୋଳ ପଂଚାୟତ ଅଧୀନ ସାଟିଉଟି ଗ୍ରାମରେ ଅଗ୍ନିକାଣ୍ଡ ଘଟି ୩ ବଖରା ଘର ଜଳିଯାଇଥିବାର ସୂଚନା ମିଳିଛି। ଦିନ ପ୍ରାୟ ୧୧.୩୦ ରେ ବିଦ୍ୟୁତ୍ ସର୍ଟ ସର୍କିଟ୍ ଯୋଗୁଁ ଭ୍ରମରବର ଦାସଙ୍କ ଘରେ ନିଆଁ ଲାଗିଥିଲା।
ଚାଳଛପର ହେତୁ ନିଆଁ ଚାରିଆଡେ ବ୍ୟାପିଯାଇଥିଲା। ତିହିଡି ଦମକଳ ବାହିନୀ ଘଟଣାସ୍ଥଳରେ ପହଞ୍ôଚ ନିଆଁକୁ ଆୟତ୍ତ କରିଥିବାବେଳେ ବିପନ୍ନକ ଧାନ, ଚାଉଳ ଓ ଅନ୍ୟାନ୍ୟ ସାମଗ୍ରୀ ଜଳିଯାଇଥିବାର ଜଣାଯାଇଛି। କୋହ୍ଲ ରାଜସ୍ୱ ନିରୀକ୍ଷକ କ୍ଷେତ୍ରୀୟ ପରିଦର୍ଶନ କରିବା ସହିତ କ୍ଷୟକ୍ଷତିର ଆକଳନ କରିଛନ୍ତି। ତହସିଲଦାରଙ୍କ ନିର୍ଦ୍ଦେଶ କ୍ରମେ ବିପନ୍ନଙ୍କୁ ଖୁବ୍ ଶୀଘ୍ର ପଲିଥିନି ଓ ଆର୍ଥିକ ସହାୟତା ଯୋଗାଇ ଦିଆଯିବ ବୋଲି ଜଣାପଡିଛି।
