ଘର ମଧ୍ୟରୁ ଝୁଲନ୍ତା ମୃତ ଦେହ ଉଦ୍ଧାର

ନବରଙ୍ଗପୁର, ୦୧/୧୧ (ସନ୍ଧାନ ନିୟୁଜ) ନବରଙ୍ଗପୁର ଜିଲ୍ଲା ସିମନ୍ତବର୍ତୀ ରାଇଘର ବ୍ଲକ ସ୍ଥିତ ହଳଦୀ ପଞ୍ଚାୟତ ବିଜଲୀପରା ର ଅମାପରା ନର୍ସରି ଠାରେ ରାଇଘର ପୋଲିସ ପକ୍ଷରୁ ଏକ ଝୁଲନ୍ତା ମୃତ ଦେହ ୩୦ ତାରିକରେ ଉଦ୍ଧାର କରାଯାଇଛି।ସୂଚନା ଅନୁଯାୟୀ ଜଣାପଡ଼ିଛି ଯେ ମୋତିରାମ ବିନ୍ଧାଣି(୫୦)ଙ୍କ ଝିଅ ଚନ୍ଦ୍ରିକା ବିନ୍ଧାଣି(୧୭)ଗତ ଶନିବାର ସନ୍ଧ୍ୟା ପ୍ରୟ ୬ଟା ବେଳୁ ଘରୁ ବାହାରି ଯାଇଥିଲେ।ପରେ ଝିଅକୁ ନପାଇପରିବାର ଲୋକେ ଚାରିଆଡେ ଖୋଜାଖୋଜି କରିଥିଲେ।ଦୁଇ ଦିନ ଖୋଜିବା ପରେ ତାଙ୍କ ଅନ୍ୟ ଏକ ଘର ଯାହାକୁ ଏକ ବର୍ଷ ପୂର୍ବରୁ ସେମାନେ ଛାଡିଥିଲେ ସେଠାରେ ଝିଅକୁ ଝୁଲନ୍ତା ଅବସ୍ଥାରେ ଦେଖି ସ୍ଥାନୀୟ ରାଇଘର ପୋଲିସ କୁ ଖବର ଦେଇଥିଲେ।ରାଇଘର ପୋଲିସ ଘଟଣା ସ୍ଥଳରେ ପହଞ୍ଚି ଝୁଲନ୍ତା ଶବ ଉଦ୍ଧାର କରି କେସ ନଂ ୭୧/୧୯ରେ ଏକ ଅପମୃତୁ ମାମଲା ରୁଜୁ କରି ବ୍ୟବଚ୍ଛେଦ କୁ ପଠାଇ ଘଟଣା ର ତଦନ୍ତ ଚଳାଇଛି।ସତର ବର୍ଷୀୟ ନାବାଳିକା କଣ ପାଇଁ ଆତ୍ମହତ୍ୟା କଲେ ଏହା ଏବେ ଲୋକ ମାନଙ୍କ ମନରେ ସନ୍ଦେହର ପ୍ରଶ୍ନବାଚକ ସୃଷ୍ଟି ହୋଇଛି।