ବୈପାରିଗୁଡା,୨୩/୫ (ସନ୍ଧାନ ନିୟୁଜ) – କାଳବୈଶାଖୀ ର ତାଣ୍ଡବ “ଉଡ଼ିଲା ଛପର ଭାଙ୍ଗିଲା ଘର” ।କୋରାପୁଟ ଜିଲ୍ଲାର ବୈପାରିଗୁଡା ବ୍ଲକରେ କାଳବୈଶାଖୀର ତାଣ୍ଡବ ପ୍ରତିଦିନ ସନ୍ଧ୍ୟାରେ ଦେଖିବାକୁ ମିଳୁଛି । କାଳବୈଶାଖୀର ପ୍ରଭାବରେ ଜୋରରେ ପବନ ବୋହିବା ସହ ବର୍ଷା ହୋଇଥିଲା ବ୍ଲକର ବିଭିନ୍ନ ଅଂଚଳରେ ବହୁ ସମୟ ଧରି ପବନ ସହ ବର୍ଷା ହୋଇଥିଲା ଯାହା ଫଳରେ କି ବୈପାରିଗୁଡା ସ୍ଥିତ ବୀରଖମ୍ବ ସାହିର ସ୍ବର୍ଗତ ଧନୁର୍ଯ୍ୟୟ ତଲିଆଙ୍କ ସ୍ତ୍ରୀ ବୁଦେଇ ତଲିଆଙ୍କ ଘର ସମ୍ପୂର୍ଣ୍ଣ ଭାବେ ଭାଙ୍ଗିଯାଇଥିବା ଦେଖିବାକୁ ମିଳିଛି ।ବୁଦେଇ ତଲିଆ ଅତି ଗରୀବ ଶ୍ରେଣୀର ହୋଇଥିବାରୁ ଆବାସ ଗୃହ ଯୋଗେଇ ଦେବାପାଇଁ ସାଧାରଣ ରେ ଦାବୀ ହେଉଛି ।ଅପରାହ୍ନ ସମୟରେ କାଳବୈଶାଖୀ ରେ ତାଣ୍ଡବରେ ବୁଦେଇ ତଲିଆଙ୍କ ଘର ଭାଙ୍ଗିବା ସହିତ ବୈପାରିଗୁଡା ବ୍ଲକ ର ବିଭିନ୍ନ ସ୍ଥାନରେ ମଧ୍ୟ ଗଛ ଭାଙ୍ଗିଯାଇଥିବା ଦେଖିବାକୁ ମିଳିଛି ।
ରିପୋର୍ଟ – ସରୋଜ କୁମାର ଲେଙ୍କା ।
