୯ ପେଟି ବିଦେଶୀ ମଦ ଓ କାର୍ ଜବତ

ମାଣତ୍ରି, ୨୪.୦୧.୨୦୨୧(ସନ୍ଧାନ ନିଉଜ୍/ ଲିଙ୍ଗରାଜ ପଣ୍ଡା):- ବଡ଼ସାହି ଥାନା ବାଲିଯୋଡ଼ା ବିଦେଶୀ ମଦ ଦୋକାନରୁ ଚୋରି ଘଟଣାରେ ପୁଲିସ ଦୁଇଜଣ କୁଖ୍ୟାତ ଚୋରଙ୍କୁ ଗିରଫ କରିଛି। ସେମାନେ ହେଲେ ବାରିପଦା କାଳିକାପୁରର ଆକାଶ ମୁଖୀ ଓରଫ ବାଦଲ (୨୦) ଓ ବାଘଡାରୋଡ଼ର ଅଜୟ ପାତ୍ର ଓରଫ ଅଜୁ (୨୫)। ଉଭୟଙ୍କଠାରୁ ୯ ପେଟି ବିଦେଶୀ ମଦ, ଦୁଇଟି ମୋବାଇଲ୍, ଗୋଟିଏ କ୍ଵଲିସ୍ କାର, ନଗଦ ୧୨ ଶହ ଟଙ୍କା ଓ ୩ଟି କଟର୍ ଜବତ କରାଯାଇଛି। ଆକାଶ ଜଣେ ପେସାଦାର ଚୋରା ଗତ ୧୪ ତାରିଖରେ ସେ ଜେଲ୍‌ରୁ ବାହାରିବା ପରେ ସାଙ୍ଗସାଥୀଙ୍କୁ ଧରି ପୁଣି ଆରମ୍ଭ କରିଥିଲା ତାର ପୁରୁଣା ଧନ୍ଦା ଆକାଶ ନାଁରେ କେବଳ ବାରିପଦା ଟାଉନ୍ ଥାନାରେ ୨୨ଟି ମାମଲା ରହିଛି। ଅଜୟ ସହ ମିଶି ଗତ ୧୮ ତାରିଖ ରାତିରେ ସେ ବାଲିଯୋଡ଼ା ବିଦେଶୀ ମଦ ଦୋକାନରୁ ୨ ଲକ୍ଷରୁ ଅଧିକ ଟଙ୍କାର ମଦ ଚୋରି କରିନେଇଥିଲା। ଉଭୟଙ୍କୁ ଆଜି କୋର୍ଟଚାଲାଣ କରାଯାଇଥିବା ବଡ଼ସାହି ଥାନା ଆଇଆଇସି ଗୋପାଳ ଚନ୍ଦ୍ର କଣ୍ଠ ସୂଚନା ଦେଇଛନ୍ତି ।