ହରିଦାସପୁରରେ ମୁଁ ହିରୋ ଓ କ୍ରୀଡା ପ୍ରତିଯୋଗିତା

ଧର୍ମଶାଳା, ୩୦/୧ (ସନ୍ଧାନ ନିୟୁଜ/ ସନ୍ତୋଷ ରାଉତ) ଧର୍ମଶାଳା ବ୍ଲକ ଅନ୍ତର୍ଗତ ହରିଦାସପୁର ପଂଚାୟତରେ ବିଜୁ ଯୁବ ବାହୀନି ପକ୍ଷରୁ ମୁଁ ହିରୋ ଓ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ବିଜୁ ଯୁବ ବାହିନୀ ସଭାପତି ଶିରଶାକାନ୍ତ ବିଶ୍ୱାଳଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ସରପଂଚ ମଧୁସ୍ମିତା ଭଦ୍ର, ମୁଖ୍ୟ ବକ୍ତା ଭାବେ ହରିଦାସପୁର ଉଚ୍ଚବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଅନୀତା ତ୍ରୀପାଠୀ, ସମ୍ମାନୀତ ଅତିଥି ଭାବେ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷୟତ୍ରୀ ମଞ୍ଜୁଲତା ସାହୁ, ପଂଚାୟତ କାର୍ଯ୍ୟ ନିର୍ବାହୀ ଅଧିକାରୀ ସ୍ମିତାରଣୀ ବିଶ୍ୱାଳ ଏବଂ ଉଭୟ ବିଦ୍ୟାଳୟର ସମସ୍ତ ଶିକ୍ଷୟ ଶିକ୍ଷୟତ୍ରୀ ଯୋଗଦେଇ ବିଭିନ୍ନ କ୍ରୀଡା ଏବଂ ନାଚ ଗୀତରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ଟ୍ରଫି ଏବଂ ପ୍ରମାଣପତ୍ର ଦେଇ ପୁରସ୍କୃତ କରିଥିଲେ । ଏଥିରେ ରାଜେଶ ଭଦ୍ର ଏବଂ ସୁବାଶ ରାଉତ ବିଚାରକ ଭାବେ ଦାୟିତ୍ୱ ନିର୍ବାହ କରିଥିବା ବେଳେ ସମାଜସେବୀ ମାନସ କୁମାର ରାଉତ ମଂଚ ପରିଚାଳନା କରିଥିଲେ । ଯୁବ ବାହିନୀ ପକ୍ଷରୁ ସମ୍ପାଦକ ହରପ୍ରସାଦ ନାୟକ, କୋଷାଧ୍ୟକ୍ଷ ଦିପକ ଦାସ, ଆଲୋକ ବାରିକ, ସତ୍ୟରଂଜନ ରାଉତ,ରାଜେଶ ମଲିକ, ହାପି ଶତପଥୀ, ସୁଧାଂଶୁ ଶେଖର ସାହୁ, ଉମେଶ ଭଦ୍ର ପ୍ରମୁଖ ସହଯୋଗ କରିଥିଲେ ।