ସଡ଼କ ଦୁର୍ଘଟଣା ୧୧ ମୃତ ଅନେକ ଆହତ

ନୂଆ ଦିଲ୍ଲୀ, ୧୩/୧୧/୨୦ (ସନ୍ଧାନ ନିଉଜ) : ଶୁକ୍ରବାର ଦିନ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଥିବା ଖବର ମିଳିଛି। ମଧ୍ୟପ୍ରଦେଶର ଶିବପୁରୀ ଅଞ୍ଚଳରେ ହୋଇଥିବା ଭୟଙ୍କର ଦୁର୍ଘଟଣାରେ ୧୧ ଜଣଙ୍କର ମୃତ୍ୟୁ ହୋଇଛି। ଏହି ଦୁର୍ଘଟଣାରେ ପ୍ରାୟ ଦୁଇ ଡଜନ ଲୋକ ମଧ୍ୟ ଆହତ ହୋଇଥିବା ଖବରରୁ ପ୍ରକାଶ। ପ୍ରାଥମିକ ଖବର ଅନୁଯାୟୀ, ଦୁର୍ଘଟଣାରେ ପ୍ରାଣ ହରାଇଥିବା ଲୋକମାନେ ପୋହରୀ ଠାରେ ଏକ ଗୁମ୍ଫା କାର୍ଯ୍ୟକ୍ରମରେ ଯୋଗଦେବାକୁ ଆସିଥିଲେ। କୁହାଯାଉଛି ଯେ ୪୦ ରୁ ଅଧିକ ଲୋକ ଲୋଡିଂ ଗାଡିରେ ଯାତ୍ରାକରୁଥିଲେ। ଅନିୟନ୍ତ୍ରିତ ହୋଇ ଗାଡିଟି ଓଲଟି ପଡିବାରୁ ଏହି ଦୁର୍ଘଟଣା ଘଟିଛି। କୁହାଯାଉଛି ଯେ କିଛି ଲୋକ ଘଟଣାସ୍ଥଳରେ ମୃତ୍ୟୁ ବରଣ କରିଥିବା ବେଳେ କିଛି ଗୁରିତର ଆହତଙ୍କ ଚିକିତ୍ସା ସମୟରେ ମୃତ୍ୟୁ ଘଟିଛି। ତେବେ ମୃତ୍ୟୁ ଓ ଆହତଙ୍କ ସଂଖ୍ୟା ସମ୍ପର୍କରେ ସରକାରୀ ସୂଚନା ଏପର୍ଯ୍ୟନ୍ତ ଗ୍ରହଣ କରାଯାଇ ନାହିଁ। ବିଶେଷ ସୂଚନାକୁ ଅପେକ୍ଷା କରାଯାଇଛି।