ସାପ କାମୁଡ଼ାରେ ଦୁଇ ଯାଁଳା ଭଉଣୀ ମୃତ

ଅନୁଗୁଳ,  ୨୩/୯ (ସନ୍ଧାନ ନିଉଜ) : ଅନୁଗୁଳ ବେନ୍ତପୁର ଗାଁରେ ଏକ ଅଭାବନୀୟ ଘଟଣା ଘଟିଛି। ବିଷାକ୍ତ ସାପ କାମୁଡ଼ାରେ ଦୁଇ ଯାଁଳା ଭଉଣୀଙ୍କ ମୃତ୍ୟୁ ହୋଇଛି। ଦୁଇ ଭଉଣୀ ହେଲେ ବେନ୍ତପୁରର ସୁମନ୍ତ ସାହୁଙ୍କ ଯାଁଳା ଝିଅ ସୁଜାତା ଓ ରୋଜାଲିନ। ସେମାନଙ୍କ ବୟସ ୧୨ ବର୍ଷ ବୋଲି ଜଣାପଡ଼ିଛି। ଘରେ ଶୋଇଥିବା ସମୟରେ ରବିବାର ବିଳମ୍ବିତ ରାତିରେ ଉଭୟଙ୍କୁ ସାପ କାମୁଡ଼ିଥିଲା। ସେମାନଙ୍କୁ ଗୁରୁତର ଅବସ୍ଥାରେ କଟକ ନେବା ବାଟରେ ସେମାନଙ୍କ ମୃତ୍ୟୁ ହୋଇଛି ବୋଲି ସୂଚନା ମିଳିଛି।