ସାନିଟାଇଜ୍‌ ହେଲା ବାଲିଗୁଡା ସହର

ବାଲିଗୁଡା, ୬/୪/୨୦ (ସନ୍ଧାନ ନିଉଜ) : କନ୍ଧମାଳ ଜିଲ୍ଲା ବାଲିଗୁଡା ଟାଉନର ବିଭିନ୍ନ ରାସ୍ତାକୁ ଶୁକ୍ରବାର ବିଶୋଧନ କରାଯାଇଛି।ଟାଉନର ରାସ୍ତାଘାଟେରେ ରାସାୟନିକ ମିଶା ପାଣି ସିଞ୍ଚନ କରାଯାଇଥିଲା। ପ୍ରଥମ ପଦକ୍ଷେପ ସ୍ବରୂପ ବାଲିଗୁଡା ବସଷ୍ଟାଣ୍ଡ ଠାରୁ ଆରମ୍ଭ କରି ମୁଖ୍ୟ ରାସ୍ତାରେ ଅଗ୍ନିଶମ ବିଭାଗ ତରଫରୁ ବିଶୋଧନ କରାଯାଇଛି। ନେହେରୁ ଛକ ପୋଷ୍ଟ ଅଫିସ ଛକ, ଗାନ୍ଧୀ ଛକ, ମେଡିକାଲ, ଥାନା ସମେତ ପ୍ରମୁଖ ଛକ, ଓ ଏଟିଏମ୍‌ଗୁଡ଼ିକୁ ମଧ୍ୟ ସାନିଟାଇଜ କରାଯାଇଛି। ଏହାକୁ ସିଞ୍ଚନ କରି ରାସ୍ତାଘାଟ ବିଶୋଧନ କରାଯିବାକୁ ଲକ୍ଷ୍ୟ ରଖାଯାଇଥିବା ବିଷୟ ଏନଏସି କାର୍ଯ୍ୟନିର୍ବାହୀ ଅଧିକାରୀ ଜୟଦେବ ଷଢଙ୍ଗୀ ପ୍ରକାଶ କରିଛନ୍ତି।