ଶ୍ରମିକ ମନୋରେଗା କାର୍ଯ୍ୟରେ କାମକରି ପାରିଶ୍ରମିକ ପାଇବାରୁ ବଞ୍ଚିତ ,ବିଡ଼ିଓଙ୍କ ଦ୍ୱାରସ୍ଥ

ସୁନ୍ଦରଗଡ, ୧୭/୬/୨୦୨୧ (ସନ୍ଧାନ ନିଉଜ/ ରାଜୁ ପଟେଲ) : ଲେଫ୍ରିପଡା ବ୍ଲକର ସୁଆରିଜୋର ଗ୍ରାମର ହସପିଟାଲ ଛକ ଠାରୁ ଡ଼ନସନା ପଡା ପର୍ଯ୍ୟନ୍ତ ମନରେଗା ଯୋଜନାରେ ରାସ୍ତା ନିର୍ମାଣ କାର୍ଯ୍ୟ ହୋଇଥିଲା । ଚଳିତ ୨୦୨୦-୨୧ ବର୍ଷରେ ୧୪ ଜଣ ଶ୍ରମିକ କାମ କରିଥିଲେ ହେଲେ ସେମାନଙ୍କୁ  ଏବେ ଯାଏ ମଧ୍ୟ ପ୍ରାପ୍ୟ ମିଳିପାରି ନଥିବା ଅଭିଯୋଗ ହୋଇଥିଲେ ମଧ୍ୟ କିଛି ଫଳପ୍ରଦ ହୋଇ ନ ଥିଲା । ଗ୍ରାମସାଥୀ, ପଞ୍ଚାୟତ ରେ ଅନେକ ସମୟ ଅଭିଯୋଗ ହେଲେ ମଧ୍ୟ କିଛି ଆଶାନୁରୂପ ଫଳପ୍ରଦ ହୋଇପାରି ନାହିଁ ।ଶ୍ରମିକମାନେ ତଳିତଳାନ୍ତ ହୋଇ ସମସ୍ତେ ବ୍ଲକ କତ୍ତୃପକ୍ଷଙ୍କ ଦ୍ୱାରସ୍ଥ ହୋଇଥିଲେ । ବ୍ଲକ କତ୍ତୃପକ୍ଷ ଗ୍ରାମ ସାଥୀଙ୍କୁ ଡାକି ତୁରନ୍ତ ଶ୍ରମିକଙ୍କ ଟଙ୍କା ଦେବାପାଇଁ ନିର୍ଦେଶ ଦେଇଥିଲେ । ଗ୍ରାମସାଥୀ ମଧ୍ୟ ଚୁକ୍ତିବଦ୍ଧ ଅନୁସାରେ ଅତିଶୀଘ୍ର ଶ୍ରମିକଙ୍କ ଟଙ୍କା ଦିଆଯିବାର ପ୍ରତିଶ୍ରୁତୁ ଦେଇଛନ୍ତି ।