ରତ୍ନ ଭଣ୍ଡାର ଚାବି ହଜିବାକୁ ନେଇ ବିଜେପିର ବିକ୍ଷୋଭ

ପୁରୀ:୩/୬((ସନ୍ଧାନ ନିୟୁଜ୍/ବି ପଟ୍ଟନାୟକ): ରତ୍ନ ଭଣ୍ଡା ଚାବି ହଜିବା ଘଟଣାକୁ ନେଇ ବିକ୍ଷୋଭ କରିଛି ବିଜେପି। ଶ୍ରୀମନ୍ଦିର କାର୍ଯ୍ୟାଳୟ ସମ୍ମୁଖରେ ଅପରାହ୍ନରେ ଏନେଇ ଦଳ ପକ୍ଷରୁ ବିକ୍ଷୋଭ ପ୍ରଦଶୟନ କରାଯିବା ସହ ତୀବ୍ର ପ୍ରତିବାଦ କରାଯାଇଛି। ବିଜେପି ଜିଲ୍ଲା ସଭାପତି ପ୍ରଭଞ୍ଜନ ମହାପାତ୍ରଙ୍କ ନେତୃତ୍ୱରେ ସାଧାରଣ ସମ୍ପାଦକ ଭବାନୀ ଦାସ ମହାପାତ୍ର, ଦିଗ୍ ଦର୍ଶନ ପଟ୍ଟନାୟକ, ବିଭୂତି ଭୂଷଣ ମିଶ୍ର, ଉମାକାନ୍ତ ନାୟକ, ଅକ୍ଷୟ ମହାନ୍ତି, ସାସ୍ୱତ ମହାପାତ୍ର, ଯୁବମୋର୍ଚ୍ଚା ସଭାପତି ଜୟନ୍ତ ଦାସ, ସୋମନାଥ ଖୁଣ୍ଟିଆ, ମଧୁସୂଦନ ସିଂହାରୀ ପ୍ରମୁଖ ଏହି ବିକ୍ଷୋଭରେ ସାମିଲ ହୋଇ ଘଟଣାର ତୀବ୍ର ନିନ୍ଦା କରିବା ସହ ପ୍ରତିବାଦ କରିଥିଲେ। ଆଗାମୀ ଦିନରେ ଏହାର ସମାଧାନ ନହେଲେ ବିଜେପି ପକ୍ଷରୁ ଆନ୍ଦୋଳନକୁ ତୀବ୍ରତର କରାଯିବ ବୋଲି କର୍ମକର୍ତ୍ତା ପ୍ରକାଶ କରିଛନ୍ତି।