ଯୁବତୀଙ୍କୁ ଅସଦାଚରଣ କରି ହାଜତ୍ ଗଲା ଯୁବକ

ଜେନାପୁର,୨୨/୧/ସନ୍ଧାନ ନିଉଜ୍ (ପ୍ରଶାନ୍ତ ସାମଲ) ଆଜିର ଏ କଳଙ୍କିତ ସମାଜରେ ଅସୁରକ୍ଷିତ ନାରୀ ଏମିତି ଏକ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅନ୍ତର୍ଗତ ଜେନାପୁର ଥାନା ଅଧୀନ ରାଇଛନ୍ଦା ପଞ୍ଚାୟତର ବାଲିକୁଦିଆ ଗ୍ରାମର ଜଣେ ଯୁବକ ଜଣେ ଯୁବତୀଙ୍କୁ ଅସଦାଚରଣ କରି ଗିରଫ ହୋଇ କୋର୍ଟ ଚାଲାଣ ହୋଇଥିବା ଜଣାପଡିଛି । ସୂଚନାଯୋଗ୍ୟ ଉକ୍ତ ଗ୍ରାମର ଜୈନିକା ଯୁବତୀ ଜଣକ ନିକଟସ୍ଥ କବାଟବନ୍ଧ ବଜାରକୁ ଆସି ନିଜ ଘରକୁ ଫେରୁଥିବା ବେଳେ ଉକ୍ତ ଗ୍ରାମର ଜୀବନ ମଲ୍ଲିକ ନାମକ ଯୁବକ ତାଙ୍କୁ ରାସ୍ତା କଡରେ ଥିବା ଏକ ଜଙ୍ଗଲିଆ ସ୍ଥାନକୁ ଟେକିନେଇ ତାଙ୍କ ସହିତ ଶାରିରୀକ ସମ୍ପର୍କ ରଖିଥିଲେ । ଏନେଇ ଯୁବତୀ ଜଣକ ଜେନାପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ ଜେନାପୁର ପୋଲିସ ୨୪/୨୩ରେ ଏକ ମାମଲା ରୁଜୁ କରିବା ସହ ଜୀବନକୁ ସୁକିନ୍ଦା ଅଞ୍ଚଳରୁ ଗିରଫ କରି ଉଭୟଙ୍କୁ ଡାକ୍ତରୀ ମାଇନା କରି ଆସାମୀକୁ କୋର୍ଟ ଚାଲାଣ କରିଥିବା ନେଇ ଥାନା ଅଧିକାରୀ ଉମାକାନ୍ତ ନାୟକ କହିଛନ୍ତି ।