ମାଡ଼ ମାରି ରକ୍ତାନ୍ତ କଲା ଶାଗୁଣା

ଭଦ୍ରକ, ୩୧.୦୧.୨୦୨୧(ସନ୍ଧାନ ନିଉଜ୍/ ଲିଙ୍ଗରାଜ ପଣ୍ଡା):-  କୋଚିଂ ସେଣ୍ଟରରେ ଝରକା ପଟେ ଚକଲେଟ ଦେଲା ଶାଗୁଣା । ନାବାଳିକା ଚକୋଲେଟ୍‌ ନେବାକୁ ମନା କଲେ । ପରେ ନାବାଳିକାଙ୍କ ବାପା ପ୍ରତିବାଦ କରିବାରୁ ମାଡ଼ ମାରି ରକ୍ତାନ୍ତ କଲା ଶାଗୁଣା। ଭଦ୍ରକ ଜିଲ୍ଲା ଧୂସୁରି ଥାନା ବେତାଳିଗାଁ ନିକଟରେ ଘଟିଛି ଏଭଳି ଅଭାବନୀୟ ଘଟଣା। ସୂଚନାଯୋଗ୍ୟ ଯେ, ନାବାଳିକା ଗାଁ ନିକଟ ଏକ ସ୍କୁଲରେ ପଢୁଛନ୍ତି। ସ୍କୁଲ ଯିବା ବେଳେ ଅଭିଯୁକ୍ତ ଶାଗୁଣା ମଳିକ ତାଙ୍କୁ ଗେଟ ନିକଟରେ ଅପେକ୍ଷା କରିଥିଲା । ପରେ ନାବାଳିକା କୋଚିଂ ସେଣ୍ଟର ଯିବା ପରେ ଅଭିଯୁକ୍ତ ଶାଗୁଣା ତାଙ୍କୁ ଝରକା ବାଟେ ହାତ ଗଳାଇ ଚକଲେଟ ଦେଇଥିଲା । ଏହାପରେ ନାବାଳିକା ଚକଲେଟ ନେବାକୁ ମନା କରିଦେଇଥିଲେ। ଚକୋଲେଟ୍‌ ନ ନେବାରୁ ଶାଗୁଣା ନାବାଳିକାଙ୍କୁ ଗାଳିଗୁଳଜ କରିଥିଲା । ପରେ ନାବାଳିକା ନିଜ ଘରଲୋକଙ୍କୁ କାନ୍ଦି କାନ୍ଦି କହିବାରୁ ବାପା ଓ ଝିଅ ଆସି ଶାଗୁଣାକୁ ପଚାରିଥିଲେ । ପରେ ଶାଗୁଣା ଓ ତାର ପରିବାର ଲୋକେ ମିଳିତ ଭାବେ ଝିଅର ବାପାକୁ ଆକ୍ରମଣ କରିଥିବା ଅଭିଯୋଗ ହୋଇଛି । ତେବେ ଧୂସୁରି ପୋଲିସ ମାମଲା ରୁଜୁ କରିବା ସହ ଅଭିଯୁକ୍ତ ଶାଗୁଣାକୁ ଅଟକ ରଖିଥିବା ସୂଚନା ମିଳିଛି ।