ମାଛ ପାଟିରେ ବ୍ରାଉନ୍‌ସୁଗର୍‌

ବାଲେଶ୍ଵର, ୧୦/୦୫ (ସନ୍ଧାନ ନିଉଜ) : କରୋନା ମୁକାବିଲା ପାଇଁ ଲକ୍‌ଡାଉନ୍‌ ଜାରି ରହିଛି। ଏହି କଟକଣା ସମୟରେ ନିଶା କାରବାରକୁ ଆଗକୁ ବଢାଇ ନିମନ୍ତେ ଅଭିନବ ଉପାୟ ଆପଣାଇଛନ୍ତି। ମାଛ ପାଟି ଭିତରେ ବ୍ରାଉନ୍‌ସୁଗର୍‌ ଚାଲାଣ କରୁଥିବା ଜଣେ ଯୁବକଙ୍କୁ ପୋଲିସ ଧରିଛି। ସମ୍ପୃକ୍ତ ଯୁବକ ମାଛ ପାଟି ଭିତରେ ୩ଟି ବ୍ରାଉନ୍‌ସୁଗର୍‌‌ ପୁଡ଼ିଆ ଭର୍ତ୍ତି କରି ଜଳେଶ୍ୱରରୁ ପଶ୍ଚମବଙ୍ଗ ଚାଲାଣ କରୁଥିଲେ। ଏହି ସମୟରେ ଲକ୍ଷ୍ମଣନାଥ ସୀମାରେ ଜଳେଶ୍ୱର ପୋଲିସ୍‌ ତାଙ୍କୁ ଧରିଥିଲା। ଜବତ ହୋଇଥିବା ୩୦ ଗ୍ରାମ୍‌ ବ୍ରାଉନ୍‌ସୁଗର୍‌ର‌ ଆନୁମାନିକ ମୂଲ୍ୟ ପ୍ରାୟ ୩ଲକ୍ଷ ଟଙ୍କା ହେବ ବୋଲି ଜଣାପଡିଛି।