ମାକ୍ସିମୋ ଧକ୍କାରରେ ବାଇକ ଆରୋହୀ ମୃତ, ଚାଳକ ଅଟକ

ରସୁଲପୁର,୧୩/୪ (ସନ୍ଧାନ ନିୟୁଜ) ରସୁଲପୁର ବ୍ଲକ ଅନ୍ତର୍ଗତ ଗରୁଆଳ ନିକଟରେ ଆଜି ଅପରାହ୍ନରେ ଘଟିିଥିବା ସଡକ ଦୁର୍ଘଟଣାରେ ବାଇକ ଆରୋହୀ ରାଜେନ୍ଦ୍ର ବେହରା(୫୦)ଙ୍କ ମୃତୁ୍ୟ ଘଟିଛି । ମୃତ ବାଇକ ଚାଳକର ଘର ଏହି ବ୍ଲକ ଓଡିଶୋ ପଂଚାୟତ ଅର୍ତ୍ତିଆ କୁସୁନପୁର ଗ୍ରାମରେ ବୋଲି ଜଣାପଡିଛି । ପୋଲିସ ଘଟଣା ସ୍ଥଳରେ ପହଁଚି ରାଜେନ୍ଦ୍ରକୁ ଉଦ୍ଧାରକରି ଧର୍ମଶାଳା ଡାକ୍ତରଖାନାକୁ ସ୍ଥାନାନ୍ତର କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ବୋଲିି ଘୋଷଣା କରିଥିଲେ ।
ଘଟଣାରୁ ପ୍ରକାଶ ଯେ ମୃତ ବ୍ୟକ୍ତି ବାଇକ୍ରେ ଘରକୁ ଫେରୁଥିଲେ । ଏହି ସମୟରେ ଗରୁଆଳ ଛକ ନିକଟରେ ବିପରୀତ ଦିଗରୁ ଆସୁଥିବା ଏକ ମାକ୍ସିମୋ ମହିନ୍ଦ୍ରା ଓଆର-୦୪ପି-୧୬୧୩ ଗାଡିିର ସହ ମୁହାଁମୁହିଁ ଧକ୍କା ହୋଇଥିଲା । ଘଟଣାସ୍ଥôଳରେ ବାଇକ ଚାଳକ ଗୁରୁତର ଆହତ ହୋଇପଡିଥିଲେ । ତାଙ୍କୁ ତତକ୍ଷଣତା ଡାକ୍ତରଖାନକୁ ସ୍ଥାନାନ୍ତ କରାଯାଇଥିଲା । ଏ ସଂପର୍କରେ କୁଆଖିଆ ଥାନାରେ ଅଭିଯୋଗ କରାଯାଇଛି । ପୋଲିସ ଏ ସଂପର୍କରେ ଥାନାରେ କେସ୍ ନଂ-୯୭/୧୯ରେ ଏକ ମାମଲା ରୁଜୁ କରାଯାଇଛି । ପୋଲିସ ଗାଡି ଚାଳକ ତଥା ମାଲିକ ସୁବାସ ସାହୁକୁ ଥାନାରେ ଅଟକ ରଖି ପଚରା ଉଚୁରା ଜାରି ରଖିଛି ।