ମହିଳା ମହାବିଦ୍ୟାଳୟ ରେ ରେଡକ୍ରସ ପ୍ରଶିକ୍ଷଣ ଶିବିର ଉଦଘାଟିତ

ରାଇରଙ୍ଗପୁର, 15/2 (ସନ୍ଧାନ ନ୍ୟୁଜ୍/ପରେଶ୍ଚନ୍ଦ୍ର ଷଡଙ୍ଗୀ) ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ମହିଳା ମହାବିଦ୍ୟାଳୟ ର ପରିସରରେ ତିନି ଦିନିଆ ସ୍ବେଚ୍ଛାସେବୀ ପ୍ରଶିକ୍ଷଣ ଶିବିର ଉଦଘାଟିତ ହେଲା ଯାଇଛି।ମହା ବିଦ୍ୟାଳୟ ର ଅଧକ୍ଷ ଡ ପ୍ରଦିପ କୁମାର ମିଶ୍ର ଙ୍କ ସଭା ପତିତ୍ବରେ ମୁଖ୍ୟ ଅତିଥି ଭାବେ ଅତିରିକ୍ତ ଆଞ୍ଚଳିକ ପରିବହନ ଅଧିକାରୀ ମନୋଜ ଟସ୍ପୋ ଯୋଗଦେଇ ସଡ଼କ ସୁରକ୍ଷା ଉପରେ ଆଲୋକପାତ କରିଥିଲେ । ସମ୍ମାନୀୟ ଅତିଥି ଭାବେ ଟାଉନ୍ ଥାନା ଅଧିକାରୀ ରେଣୁବାଳା ସାହୁ ଅପରାଧିକ ମାମଲା ଠାରୁ ଦୁରେଇ ରହିବା ସହିତ ଆଇନର ସହାୟତା ନେବାପାଇଁ ଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ। ପ୍ରାରମ୍ଭରେ ରେଡକ୍ରସ ର ପ୍ରତିଷ୍ଠାତା ହେନେରୀ ଡୁନାଣ୍ଟ ଫୋଟ ଚିତ୍ର ରେ ପୁଷ୍ପ ମାଲ୍ୟ ପ୍ରଦାନ କରାଯାଇଥିଲା । ପ୍ରଥମ ଭାଗରେ ରେଡକ୍ରସ ର ଇତିହାସ ଉପରେ ଜିଲ୍ଲା ଜୁନିଅର ରେଡକ୍ରସ ଅଧିକାରୀ ସ୍ମୃତି ରଞ୍ଜନ ପାଣି ଶିକ୍ଷା ଦାନ କରିଥିଲା ବେଳେ ଦ୍ୱିତୀୟ ପର୍ଯ୍ୟାୟରେ ଯୁବ ରେଡକ୍ରସ୍ ପରାମର୍ଶ ଦାତା ମାନସ ରଞ୍ଜନ ବେହେରା ପ୍ରାଥମିକ ଚିକିତ୍ସା ର ବ୍ୟବହାର ବିଷୟରେ ପ୍ରଶିକ୍ଷଣ ଦେଇଥିଲେ । ମହାବିଦ୍ୟାଳୟ ର ଅଧ୍ୟାପକ ବିଜୟ କୁମାର ରାମ ଅତିଥି ପରିଚୟ ପ୍ରଦାନ କରିଥିଲା ବେଳେ ଅଧ୍ୟାପିକା ଶୁଭଦର୍ଶୀନୀ ମିଶ୍ର ଧନ୍ୟବାଦ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମ କୁ ମହାବିଦ୍ୟାଳୟ ର ଯୁବ ରେଡକ୍ରସ ପରାମର୍ଶ ଦାତା ଯଶୋଧାରା ମହାନ୍ତ ସ°ଯୋଜନା କରିଥିଲେ ।