ଅନୁଗୁଳ ଜିଲ୍ଲାର ଆଠମଲ୍ଲିକ୍ ବ୍ଲକ ବଗରା ଗାଁରେ ଅଗ୍ନିକାଣ୍ଡ
ଅନୁଗୁଳ ୧୨/୪ (ସନ୍ଧାନ ନିୟୁଜ) ଅନୁଗୁଳ ଜିଲ୍ଲାର ଆଠମଲ୍ଲିକ୍ ବ୍ଲକ ବଗରା ଗାଁରେ ଭୟାବହ ଅଗ୍ନିକାଣ୍ଡ ଘଟି ୫୦ଟି ପରିବାରର ପ୍ରାୟ ୧୦୦ ବଖରା ଘର ପୋଡି ପାଉଁଶ ହୋଇଯାଇଥିବା ପ୍ରାଥମିକ ସୂଚନା ମିଳିଛି। ପ୍ରାଥମିକ ରିପୋର୍ଟରୁ ଜଣାପଡ଼ିଛିଯେ, ସର୍ଟ ସର୍କିଟ୍ ଯୋଗୁ ଏହି ଅଗ୍ନିକାଣ୍ଡ ଘଟିଥିବା ବେଳେ କେହି କେହି କହୁଛନ୍ତି ଗ୍ୟାସ୍ ଟାଙ୍କି ଫାଟିବାରୁ ଏହି ଅଗ୍ନିକାଣ୍ଡ ଘଟିଛି। ତେବେ ସଠିକ କାରଣ ଜଣାପଡ଼ିନାହିଁ। ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି। ନିଆଁକୁ ଆୟତ୍ତ ପାଇଁ ଉଦ୍ୟମ ଜାରି ରହିଛି। ଗାଁରେ ତହସିଲଦାର ଏବଂ ଉପଜିଲ୍ଲାପାଳ ପହଁଚି ଥିବାର ସୂଚନା ମିଳିଛି।
