ନୂଆଦିଲ୍ଲୀ, ୧୫/୦୧/୨୦ (ସନ୍ଧାନ ନିଉଜ) : ଭାରତ ଓ ଅଷ୍ଟ୍ରେଲିଆ ମଧ୍ୟରେ ଜାନୁଆରୀ ୧୭ ଶୁକ୍ରବାର ଦିନ ହେବାକୁଥିବା ତନି ମ୍ୟାଚ ବିଶିଷ୍ଠ ଦିନିକିଆ ସିରିଜର ଦ୍ବିତୀୟ ମ୍ୟାଚ ଗୁଜରାଟର ରାଜକୋଟରେ ଖେଳାଯିବ। ଏହି ମ୍ୟାଚରୁ ଭାରତୀୟ କ୍ରିକେଟ ଦଳର ଯୁବ ୱିକେଟ କିପର ବ୍ୟାଟ୍ସମ୍ୟାନ୍ ରିଷଭ ପନ୍ତ ବାହାର ହୋଇଯାଇଛନ୍ତି।
ଗତକାଲି ମୁମ୍ବଇର ୱାଙ୍ଖେଡେ ଷ୍ଟାଡିୟମରେ ଖେଳାଯାଇଥିବା ପ୍ରଥମ ମ୍ୟାଚରେ ରିଷଭ ପନ୍ତ ଆହତ ହୋଇଥିଲେ। ଭାରତୀୟ ଇନିଂସର ୪୪ତମ ଓଭରରେ ପ୍ୟାଟ କମିନ୍ସଙ୍କ ବଲ ପନ୍ତଙ୍କ ବ୍ୟାଟରେ ବାଜି ହେଲମେଟରେ ବାଜିବା କାରଣରୁ ସେ ଆହତ ହୋଇଥିଲେ। ପନ୍ତ ପୁଲ୍ ଶଟ୍ ମାରିବାକୁ ପ୍ରୟାସ କରିଥିଲେ, କିନ୍ତୁ ବଲ ବ୍ୟାଟରେ ସ୍ପର୍ଶ କରି ହେଲମେଟରେ ବାଜିଥିଲା ଏବଂ ଆଷ୍ଟନ ଟର୍ଣ୍ଣର କ୍ୟାଚ୍ ଧରିଥିଲେ। ହେଲମେଟରେ ବଲ୍ ବାଜିବାରୁ ପନ୍ତ ଭାରତର ଫିଲ୍ଡିଂ ସମୟରେ ଗ୍ରାଉଣ୍ଡକୁ ଓହ୍ଲାଇନଥିଲେ। ତାଙ୍କ ସ୍ଥାନରେ କେଏଲ ରାହୁଲ ୱିକେଟକିପିଙ୍ଗ୍ କରିବାକୁ ଆସିଥିଲେ। ବର୍ତ୍ତମାନ ପରିସ୍ଥିତିରେ ସେ ସମ୍ପୂର୍ଣ୍ଣ ରୂପେ ସୁସ୍ଥ ହୋଇନଥିବା କାରଣରୁ ଏହି ମ୍ୟାଚରେ ଖେଳିବେ ନାହିଁ।
