ବ୍ରହ୍ମବରଦାରେ ବଣୁଆ ହାତୀ ଆକ୍ରମଣରେ ଜଣେ ଗୁରୁତର

ଯାଜପୁର ସଦର,୩୦/୧୦/୨୧ (ସନ୍ଧାନ ନିଉଜ): ଯାଜପୁର ଜିଲ୍ଲା ରସୁଲପୁର ବ୍ଲକ୍ ଅନ୍ତର୍ଗତ ବ୍ରହ୍ମବରଦା ପଂଚାୟତରେ ଅଚାନକ ବଣୁଆ ହାତୀ ପଶି ଆସିବାରୁ ଏହି ପଂଚାୟତର ଜଣେ ଗୁରୁତର ଆହତ ହୋଇଥିବା ଜଣାଯାଇଚି । ଘଟଣାରୁ ପ୍ରକାଶ ଯେ, ବ୍ରହ୍ମବରଦା ଗ୍ରାମର ମହିମା ଛକ ନିକଟରେ ନିତ୍ୟାନନ୍ଦ ଗିରି ଯାଉଥିବା ସମୟରେ ଏହି ବଣୁଆ ହାତୀଟି ଛେନାଖିଆ ପାଟଣା ଗ୍ରାମରେ ପଶି ନିତ୍ୟାନନ୍ଦ ଗିରି ମହିମା ଛକରେ ଯାଉଥିବା ବେଳେ, ଏହି ହାତୀଟି ନିତ୍ୟାନନ୍ଦଙ୍କୁ ଶୁଣ୍ଢରେ କଚାଡ଼ି ଦେବାରୁ ନିତ୍ୟାନନ୍ଦ ଗୁରୁତର ଆହତ ହୋଇଛନ୍ତି । ନିତ୍ୟାନନ୍ଦକୁ ଉଦ୍ଧାର କରାଯାଇ ଚିକିତ୍ସା ପାଇଁ ଯାଜପୁର ମେଡିକାଲକୁ ନିଆଯାଇଥିଲା । ନିତ୍ୟାନନ୍ଦଙ୍କର ଗୋଡ଼ଟି ଭାଙ୍ଗିଯାଇଚି ତାଙ୍କୁ ଚିକିତ୍ସା କରାଯିବା ପରେ ନିଜ ଗ୍ରାମ ବ୍ରହ୍ମବରଦାକୁ ଅଣାଯାଇଥିଲା । ସେହିପରି ଏହି ପଂଚାୟତର ଶୁକାନ୍ତ ବେହେରାକୁ ଏହି ବଣୁଆ ହାତୀ ଆକ୍ରମଣ କରିଥିବା ଜଣାଯାଇଚି । ଶୁକାନ୍ତକୁ ଚିକିତ୍ସା ପାଇଁ ମେଡିକାଲକୁ ନିଆଯାଇଥିବା ଜଣାଯାଇଚି । ସେହିପରି ହାତୀ ଉପଦ୍ରବରେ ଚାରୋଟି ବାଇକ ଭାଙ୍ଗି ଦେବା ସହିତ ଛେନାଖିଆ ପାଟଣା ଗ୍ରମରେ ଦୁଇଟି ନଳକୂପ ଭାଙ୍ଗି ଦେଇଥିବା ଦେଖିବାକୁ ମିଳିଚି । ସେହି ଛେନାଖିଆ ପାଟଣା ଗ୍ରାମରେ ଦୁଇଟି ପାଇଖାନା ଟାଙ୍କିକୁ ହାତୀ ଭାଙ୍ଗି ଦେଇଥିବା ଲୋକମାନେ ଅଭିଯୋଗ କରିଛନ୍ତି । ଏହି ଦନ୍ତା ହାତୀଟି ବହୁ ଫସଲ ନଷ୍ଟ କରିଦେଇଚି ।