ବିହାରରୁ ପଳାଇ ଆସିଥିବା ପ୍ରେମୀ ଯୁଗଳ ଉଦ୍ଧାର

ଯଶିପୁର,୦୩.୦୧.୨୦୨୧(ସନ୍ଧାନ ନିଉଜ/ ଲିଙ୍ଗରାଜ ପଣ୍ଡା): ବିହାର, ଦରିଭଙ୍ଗା ଜିଲ୍ଲା ମୋରୋ ଥାନା ଇଲାକାରୁ ପଳାଇ ଆସିଥିବା ଏକ ପ୍ରେମୀଯୁଗଳଙ୍କୁ ଆଜି ଯଶିପୁର ପୁଲିସ ଉଦ୍ଧାର କରିଛି। ପୁଲିସ ସୂଚନା ମୁତାବକ, ମୋରୋ ଥାନା ଅଞ୍ଚଳର ଦୁଇ ଭିନ୍ନ ସଂପ୍ରଦାୟର ଯୁବକଯୁବତୀ ଘରୁ ଲୁଚି ପଳାଇ ଆସିଥିଲେ। ଏ ସଂକ୍ରାନ୍ତରେ ଝିଅ ପରିବାର ପକ୍ଷରୁ ଥାନାରେ ଏତଲା ଦିଆଯିବା ପରେ ମୋରୋ ଥାନା ପୁଲିସ ପକ୍ଷରୁ ତଦନ୍ତ ଜାରି ରହିଥିଲା। ଯଶିପୁର ଅଞ୍ଚଳର ଜନୈକ ବାସିନ୍ଦାଙ୍କ ଘରେ ଏ ଦୁହେଁ ଲୁଚି ରହିଥିବା ଖବର ମିଳିବା ପରେ ମୋରୋ ଥାନା ପୁଲିସ ଆଜି ଯଶିପୁର ଥାନାରେ ପହଞ୍ଚିଥିଲା। ଯଶିପୁର ଥାନା ଆଇଆଇସି ରଂଜନ କୁମାର ସେଠୀ, ଏଆଇ ଅୟସକାନ୍ତ ଜେନା ଓ ଥାନା ଷ୍ଟାଫ୍ ସଂପୃକ୍ତ ଗୃହରେ ଚଢ଼ାଉ କରି ଦୁହିଁଙ୍କୁ ଉଦ୍ଧାର କରିଥିଲେ। ସେଠାରୁ ପୁଲିସ ସହିତ ଆସିଥିବା ଝିଅର ପରିବାର ଲୋକଙ୍କୁ ଝିଅକୁ ହସ୍ତାନ୍ତର କରାଯାଇଥିଲା। ଅନ୍ୟପକ୍ଷରେ ସଂପୃକ୍ତ ଯୁବକକୁ ମୋରୋ ଥାନା ପୁଲିସ ସାଙ୍ଗରେ ନେଇଯାଇଛି।