ସବୁ ସତକର୍ତା ସତ୍ବେ ଥମୁନି ମାଟ୍ରିକ ପରୀକ୍ଷା ପ୍ରଶ୍ନପତ୍ର ଭାରଇରାଲ । କ୍ରମାଗତ ଭାବେ ଭାଇରାଲ ହୋଇଚାଲିଛି ପ୍ରଶ୍ନପତ୍ର । ଶନିବାର ବଲାଙ୍ଗୀର ଓ କଳାହାଣ୍ଡିରେ ଗଣିତ ପ୍ରଶ୍ନପତ୍ର ଭାଇରାଲ ହୋଇଛି । ପରୀକ୍ଷା ଚାଲିଥିବା ବେଳେ D ସେଟ୍ ର ପ୍ରଶ୍ନ ସହ ଏକ ଆଡମିଟ୍ କାର୍ଡ ମୋବାଇଲରୁ ମାବାଇଲକୁ ଘୁରି ବୁଲିଥିଲା । କଳାହାଣ୍ଡି ଜିଲ୍ଲା ପରମାନନ୍ଦ ହାଇସ୍କୁଲ ସେଣ୍ଟରରୁ ଏହି ପ୍ରଶ୍ନପତ୍ର ଭାଇରାଲ ହୋଇଥିବା ଆଡମିଟ୍ କାର୍ଡରୁ ସ୍ପଷ୍ଟ ହୋଇଛି । କଳାହାଣ୍ଡି ଜିଲ୍ଲା ଶିକ୍ଷା ଅଧିକାରୀଙ୍କ ପ୍ରାଥମିକ ତଦନ୍ତରୁ ଜଣାପଡିଛି ଯେ ସେଣ୍ଟର ରିଲିଭର ପୁଷ୍ଫାଞ୍ଜଳୀ ଦଳପତି ଏହି ଭାରଇରାଲ କରିଛନ୍ତି ।
ଗଣିତ ପ୍ରଶ୍ନପତ୍ର ଭାଇରାଲ ଘଟଣାରେ ତୁରନ୍ତ ଆକ୍ସନକୁ ଆସିଛି ମାଧ୍ୟମିକ ଶିକ୍ଷା ପରିଷଦ । ବୋର୍ଡ ସଭାପତି ଜାହାନ ଆରା ବେଗମ୍ କହିଛନ୍ତି, ଗଣିତର ଦୀର୍ଘ ଉତ୍ତରମୂଳକ ପ୍ରଶ୍ନପତ୍ର ଭାଇରାଲ୍ ହୋଇଛି । ଏନେଇ କାର୍ଯ୍ୟାନୁଷ୍ଠାନ ବି ନେଇଛନ୍ତି ବୋର୍ଡ ସଭାପତି । ପରମାନନ୍ଦ ହାଇସ୍କୁଲ ସେଣ୍ଟର ସୁପରିଟେଣ୍ଡଣ୍ଟ ରବୀନ୍ଦ୍ର ମୁଣ୍ଡ, ଇନଭିଜିଲେଟର ବ୍ରଜେନ୍ଦ୍ର ବେହେରା ଓ ରିଲିଭର ପୁଷ୍ପାଞ୍ଜଳୀ ଦଳପତୀଙ୍କୁ ତୁରନ୍ତ ନିଳମ୍ବନ କରାଯାଇଛି । ଏମାନଙ୍କ ବିରୋଧରେ ଜୟପାଟଣା ଥାନାରେ ଜିଲ୍ଲା ଶିକ୍ଷା ଅଧିକାରୀ ଏତଲା ଦେଇଛନ୍ତି ।
ପୂର୍ବରୁ ମାତୃଭାଷା ଓଡିଆ, ଇଂରାଜୀ ଓ ହିନ୍ଦି ପ୍ରଶ୍ନପତ୍ର ଭାଇରାଲ୍ ହୋଇଥିଲା । ପ୍ରଶ୍ନପତ୍ର ଭାଇରାଲ୍ ଘଟଣାରେ ୮ଜଣ ଗିରଫ ହୋଇଛନ୍ତି । ଏତେ ସବୁ କଡ଼ା ପଦକ୍ଷେପ ସତ୍ବେ ପ୍ରଶ୍ନପତ୍ର କିଭଳି ଭାଇରାଲ୍ ହେଉଛି ତାହା ପ୍ରଶ୍ନବାଚୀ ସୃଷ୍ଟି କରିଛି । ଏହାଦ୍ବାରା ହଜାର ହଜାର ଛାତ୍ରଛାତ୍ରୀଙ୍କ ଭବିଷ୍ୟତ ସହ ଖେଳ ଖେଳା ଯାଉଥିବା ଅଭିଯୋଗ ହେଉଛି ।
