ବିଜେପି ନେତା ମୃତ କୁଳମଣିଙ୍କ ଘରେ କଂଗ୍ରେସର ପ୍ରେସ ମିଟ

ମାହାଙ୍ଗା, (ସନ୍ଧାନ ନିଉଜ୍ମା)ହାଙ୍ଗା ବିଜେପି ନେତା କୁଳମଣି ବରାଳ ଓ ତାଙ୍କର ଅନ୍ୟତମ ସହଯୋଗୀ ଦିବ୍ୟସିଂହ ବରାଳଙ୍କୁ ଅତି ନୃଶଂସ ଭାବେ ହତ୍ୟା କରାଯାଇଥିଲା ! ମୃତ କୁଳମଣିଙ୍କ ପୁଅ ରମାକାନ୍ତ ବରାଳଙ୍କ ଏତଲାକୁ ଭିତ୍ତିକରି ସ୍ଥାନୀୟ ପୋଲିସ 10 ଜଣ ଅଭିଯୁକ୍ତଙ୍କୁ ଗିରଫପରେ କୋର୍ଟ ଚାଲାଣ କରିଥିଲା ! ତେବେ ସ୍ଥାନୀୟ ବିଧାୟକ ତଥା ଆଇନି ମନ୍ତ୍ରୀଙ୍କୁ ଏହି ହତ୍ୟା ଘଟଣାରେ ସଢଯନ୍ତ୍ରକାରୀ ଦର୍ଶାଇ ବିଜେପି ନେତା କୁଳମଣିଙ୍କ ପୁଅ ନୁର୍ତ୍ତାଙ୍ଗ ପଂଚାୟତ ସମିତିସଭ୍ୟ ରମାକାନ୍ତ ବରାଳ,ମାହାଙ୍ଗା କଂଗ୍ରେସ ନେତା ଦେବେନ୍ଦ୍ର ସାହୁ, ବିଜେପି ନେତା ଶାରଦା ପ୍ରଧାନ ପ୍ରମୁଖ ମନ୍ତ୍ରୀ ଶ୍ରୀ ଜେନାଙ୍କୁ କାଠଗଡ଼ାକୁ ଟାଣିବାପାଇଁ ବିଭିନ୍ନ ସମୟରେ ଉଦ୍ୟମ କରିବା ଦେଖିବାକୁ ମିଳିଥିଲା ! ତେବେ ମାହାଙ୍ଗା ବ୍ଲକ କଂଗ୍ରେସ ପକ୍ଷରୁ ଆଜି ସଦଭାବନା ଯାତ୍ରା ଆୟୋଜନ ନାଆଁରେ ଦଳର ରାଜ୍ୟ ସଂପାଦକ ଏ ଚେଲା କୁମାରଙ୍କୁ ନୁର୍ତ୍ତାଙ୍ଗକୁ ନିଆଯାଇ ସେଠାରେ କଂଗ୍ରେସ ପକ୍ଷରୁ ଆହୂତ ସାମ୍ବାଦିକ ସମ୍ମିଳନୀରେ ରାଜ୍ୟ ଶାସନରେ ଥିବା ବିଜେଡି ସରକାର ଏବଂ କେନ୍ଦ୍ରରେ ଥିବା ବିଜେପି ସରକାର ବିରୁଦ୍ଧରେ ଚେଲା କୁମାର ବର୍ଷିଥିଲେ ! ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ତାଙ୍କ ମନ୍ତ୍ରୀମଣ୍ଡଳରେ ଥିବା ନେତାମାନଙ୍କୁ କଂଗ୍ରେସ ତୀବ୍ର ସମାଲୋଚନା କରିଥିଲା ! ବିଜେପି ନେତାଙ୍କ ଘରେ କଂଗ୍ରେସର ଏହି ସାମ୍ବାଦିକ ସମ୍ମିଳନୀରେ କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ, ଆକ୍ବବ ଖାଁ, ଦେବେନ୍ଦ୍ର ସାହୁ, ପ୍ରମୁଖ ଉପସ୍ଥିତ ଥିଲେ !