ବାଇକ୍ ପଛରେ ଧକ୍କା ଦେଲା ୧୨ଚକିଆ ଟ୍ରକ୍, ବାଇକ୍ ଆରୋହୀ ମୃତ

କେନ୍ଦୁଝର,୨୮/୫ (ସନ୍ଧାନ ନିୟୁଜ/ଦେବାନନ୍ଦ ମହନ୍ତ) ଗତକାଲି କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର ବଜାର ନିକଟରେ ଏକ ଅଜଣା ୧୨ଚକିଆ ଟ୍ରକ୍ ବାଇକ୍ ପଛରେ ଧକ୍କା ଦେଲା, ବାଇକ୍ ଆରୋହୀ ମୃତ ସାଥି ଗୁରୁତର ହୋଇଛନ୍ତି। ମିଳିଥିବା ଖବର ଅନୁଯାୟୀ ମୃତକ ଯୁବକ ଜଣକ ବ୍ରାହ୍ମଣୀକଳା ଗ୍ରାମର କମଳଲୋଚନ ସାହା ବୋଲି ଜଣାପଡ଼ିଛି। ସେ ଜିନ୍ଦଲ କମ୍ପାନୀରେ ଇଞ୍ଜିନିୟର ଭାବେ କାର୍ଯ୍ୟ କରୁଥିଲେ। କମଳଲୋଚନ (ଓଡି ୦୯ ଜେ ୫୦୯୨) ବୁଲେଟ୍ ଯୋଗେ ସାଥିରେ ଜଣେ ଯୁବକଙ୍କୁ ନେଇ କେନ୍ଦୁଝର ଠାରୁ ଯୋଡ଼ା ଅଭିମୁଖେ ଯାଉଥିଲେ। ପଦ୍ମପୁର ଛକ ନିକଟସ୍ଥ ବୁଟି ନନା ଫାଷ୍ଟଫୁଡ ଦୋକାନ ପାଖରେ ଏକ ବୋଲେରୋ ରାସ୍ତାର ଏକ ପାର୍ଶ୍ବରେ ଛିଡା ହୋଇଥିବା ସମୟରେ ଓଭରଟେକ୍ କରି ଯାଉଥିଲେ। ସେହି ସମୟରେ ବିପରୀତ ଦିଗରୁ (ଓଡି ୦୯ କେ ୦୧୧୪) ନମ୍ବର ବିଶିଷ୍ଟ ୧୨ଚକିଆ ଟ୍ରକ୍ ଦ୍ରୁତଗତିରେ ଆସି ବାଇକ୍ ପଛପଟେ ଧକ୍କା ଦେଇଥିଲା। ଫଳରେ ବୁଲେଟ୍ ଚଳାଉଥିବା ଶ୍ରୀ ସାହାଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିବା ସହ ସାଥିରେ ଥିବା ଯୁବକ ଜଣଙ୍କ ଗୁରୁତର ଆହାତ ହୋଇଛନ୍ତି। ଦୁର୍ଘଟଣା ଘଟିବା ପରେ ଶ୍ରୀ ସାହା ପିନ୍ଧିଥିବା ହେଲମେଟ୍ ଘଟଣାସ୍ଥଳରୁ ୧୦୦ମିଟର ଦୂରରେ ପଡିଥିଲା। ଦୁର୍ଘଟଣା ଘଟାଇବା ପରେ ଟ୍ରକଟି ଦ୍ରୁତଗତିରେ ଚାଲିଯାଇଥିବାର ଜଣାପଡିଛି। ପତ୍ୟେକ୍ଷଦର୍ଶୀଙ୍କ କହିବା ଅନୁସାରେ ଉକ୍ତ ଘଟଣାର ମୁଖ୍ୟ କାରଣ ରାସ୍ତା କଡରେ ବେପାରୁଆ ବେନିୟମ ଭାବେ ବୋଲେରୋ ଛିଡା କରିଥିବା ହେତୁ ଏହି ଦୁର୍ଘଟଣା ଘଟିଛି। ରାସ୍ତା କଡ଼ରେ ଛିଡା ହୋଇଥିବା ବୋଲେରୋର ବାମ ପାର୍ଶ୍ଵରେ ବୁଲେଟ୍ ଚାଳକ ଜଣଙ୍କ ଅତିକ୍ରମ କରି ମୁଖ୍ୟ ରାସ୍ତାକୁ ଯାଇଥିଲା। ଫଳରେ ୧୨ଚକିଆ ଚାଳକ ଜଣଙ୍କ ବାଇକୁ ଦେଖି ନପାରି ବାଇକ୍ ପଛରେ ଧକ୍କା ଦେଇଥିଲା, ଧକ୍ଘକା ଦେବା ପରେ ବାଇକ୍ଟ ଆରୋହୀ ଓ ସାଥି ବାଇକ୍ଣା ସହ ଛିଟିକି ରାସ୍ତା ଉପରେ ପଡିଯାଇଥିଲେ। ଘଟଣାର ଖବର ପାଇ ସଦର ପୋଲିସ ଘଟଣାସ୍ଥଳରେ ପହଞ୍ଚି ମୃତ ଯୁବକଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଥିବା ସହ ଘଟଣାର ତଦନ୍ତ ଆରମ୍ଭ କରିଛି।