ବଳାତ୍କାରୀକୁ ଧରିବାଲାଗି ପୋଲିସ ବିଫଳ ହେଲେ

ଯାଜପୁର ସଦର, ୦୪ା୦୩: ଯାଜପୁର ଜିଲ୍ଲା ରସୁଲପୁର ବ୍ଲକ ଅନ୍ତର୍ଗତ ବନ୍ଧଡିହ ପଂଚାୟତ ସାହାପଡ଼ା ଗ୍ରାମରେ ଜଣେ ନାବାଳିକାକୁ ବଳାତ୍କାର କରିଥିବା ଅଭିଯୋଗରେ ଏନେଇ ନାବାଳିକାର ପରିବାର ପକ୍ଷରୁ ବ୍ରହ୍ମବରଦା ଥାନାରେ ଏତଲା କରାଯାଇଥିଲା । ଥାନା ପକ୍ଷରୁ ଏକ କେଶ ରୁଜୁ କରାଯାଇ ବ୍ରହ୍ମବରଦା ଥାନା ପୋଲିସ ହାତବାନ୍ଧି ବସିଥିବା ବେଳେ, ଏଠାରେ ସୂଚନା ଯୋଗ୍ୟ ଯେ, ଫେବୃଆରୀ ମାସ ୨୫ ତାରିଖରେ ନାବାଳିକାକୁ ଦୁଷ୍କର୍ମ କରି ସେହି ଗ୍ରାମର ଆଦିକନ୍ଦ ବେହେରା(୭୫) ଫେରାର ହୋଇଯାଇଥିବା ବେଳେ, ଏନେଇ ୭ଦିନ ବିତିଯାଇଥିଲେ ମଧ୍ୟ ଆସାମୀକୁ ଧରିବାରେ ପୋଲିସ ବିଫଳ ହେବାରୁ ଏହାର ପ୍ରତିବାଦରେ ପିଡ଼ିତାଙ୍କ ପରିବାର ଏବଂ ଗ୍ରାମ ଗତକାଲି ବ୍ରହ୍ମବରାଦ ଥାନାକୁ ଘେରାଉ କରିଥିଲେ । ଏନେଇ ବ୍ରହ୍ମବରଦା ପୋଲିସଙ୍କୁ ଆମପ୍ରତିନିଧି ପଚାରିବାରୁ ଆସାମୀ ଫେରାର ହୋଇଯାଇଚି ବୋଲି ପୋଲିସ କହିଥିଲେ । ତୁରନ୍ତ ଆସାମୀକୁ ଗିରଫ କରିବା ପାଇଁ ପରିବାର ପକ୍ଷରୁ ଦାବି କରାଯାଇଚି ।