ବଲାଙ୍ଗିରରେ ବିଭତ୍ସ ହତ୍ୟା, ବଡ଼ଭାଇକୁ ମାରି ଜଙ୍ଗଲରେ ପୋତିଦେଲା ସାନଭାଇ

ବଲାଙ୍ଗିର, ୨୭/୧୦ (ସନ୍ଧାନ ନିଉଜ): ଭାଇ ହେଲା ଭଗାରୀ । ପିତାଙ୍କ ପେନସନ୍ ପାଇଁ ଭଡ଼ ଭାଇକୁ ଅତି ବିଭତ୍ସ ଭାବରେ ହତ୍ୟା କରି ପୋତିଦେଲା ସାନଭାଇ । ବଲାଙ୍ଗିର ଝାରବେଦନ ଜଙ୍ଗଲରେ ଏଭଳି ବିଭତ୍ସ ହତ୍ୟାକାଣ୍ଡ ଘଟିଥିବା ସୂଚନା ମିଳିଛି । ବାପାଙ୍କ ପେନସନ୍ ଟଙ୍କା ହାତେଇବା ପାଇଁ ବଡ଼ ଭାଇକୁ ହତ୍ୟା କଲା ସାନ ଭାଇ ।  ଘଟଣା ଜଣାପଡିବା ପରେ ପୋଲିସ ତଦନ୍ତ ଆରମ୍ଭ କରିଥିଲା । ଝାରଦେବନ ଜଙ୍ଗଲରୁ ମାଟି ଖୋଳି ମୃତଦେହ ଉଦ୍ଧାର କଲା ପୋଲିସ । ମୃତକ ଗୋରୁ ବଜାର ପଡ଼ା ନିବାସୀ ସଞ୍ଜୟ ବେହେରା ଗତ ୪ ତାରିଖରୁ ନିଖୋଜ ଥିଲେ । ତେବେ ଘଟଣାର ସଙ୍ଗେସଙ୍ଗେ ତଦନ୍ତ ଆରମ୍ଭ କରି ପୋଲିସ୍ ହତ୍ୟାକାରୀ ସାନଭାଇକୁ ଗିରଫ କରିଥିବା ଜଣାପଡିଛି ।