ଯାଜପୁର, ୨୫/୪ (ସନ୍ଧାନ ନିୟୁଜ) ଯାଜପୁର ଜିଲ୍ଲାର ଜେନାପୁର ଥାନା ଅଧୀନ କଣ୍ଟାପଟଣା ଗ୍ରାମନିବାସୀ ଭୋଳିଆ ବେହେରା (୬୦)ଙ୍କର ଆଜି ଅପରାହ୍ନ ପ୍ରାୟ ୪ଘଟିକା ସମୟରେ ବଜ୍ରପାତରେ ମୃତ୍ୟୁ ଘଟିଥିବା ଜଣାପଡିଛି। ଘଟଣାରୁ ପ୍ରକାଶ ଯେ ସେ ଆଜି ଅପରାହ୍ନରେ ଖାଇସାରି ଘର ଅଗଣାରେ ହାତ ଧୋଇ ହେଉଥିବା ସମୟରେ ହଠାତ ତାଙ୍କୁ ବଜ୍ରାଘାତ ହୋଇଥିଲା।ଘଟଣା ସ୍ଥଳରେ ତାଂକର ପ୍ରାଣ ବାୟୁ ଉଡିଯାଇଥିଲା।ଖବର ପାଇ ବିଭିନ୍ନ ଦଳର ବିଧାୟକ ପ୍ରାର୍ଥୀ ତାଙ୍କ ଘରେ ପହଞ୍ଚି ପରିବାର ବର୍ଗଙ୍କୁ ଗଭୀର ସମବେଦନା ଜଣାଇବା ସହ କିଛି ଆର୍ଥିକ ସହାୟତା ପ୍ରଦାନ କରିଛନ୍ତି।ସୂଚନା ଥାଉ କି ମୃତକ ଜଣକ ଦୈନିକ ଭିକ୍ଷା ମାଗି ନିଜ ପରିବାର କୁ ଭରଣପୋଷଣ କରିଥାନ୍ତି।ଏକ ଅତ୍ୟନ୍ତ ଗରିବ ପରିବାର ହୋଇଥିବା ଯୋଗୁଁ ଖୁବଶୀଘ୍ର ସରକାରୀ ସହାୟତା ଯୋଗାଇ ଦେବାକୁ ସ୍ଥାନୀୟ ଜେନାପୁର ଉତ୍କଳମଣି ଗୋପବନ୍ଧୁ ସେବା ସଂଗଠନର ସମସ୍ତ ସଭ୍ୟ ପ୍ରଶାସନ ନିକଟରେ ଦୃଢ଼ ଦାବି କରିଛନ୍ତି।
ରେପୋର୍ଟ- ପ୍ରଶାନ୍ତ ସାମଲ
