ଯାଜପୁର, ୦୪/୧୦ (ସନ୍ଧାନ ନିୟୁଜ) ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅନ୍ତର୍ଗତ ଗଡମଧୁପୁର ପଂଚାୟତ ଭଗବାନପୁର ଗ୍ରାମରେ ଆଜି ବଜ୍ରଘାତ ଘଟିବାର ୨ଭାଇଙ୍କର ଶୋଚନୀୟ ମୃତ୍ୟୁ ଘଟିଥିବା ଜଣାପଡିଛି । ସୂଚନା ମତାବକ ଭଗବାନପୁର ଗ୍ରାମର ସୁଲେଖା ମଲିକଙ୍କ ଦୁଇ ପୁଅ ବାଂଚାନିଧି ମଲିକ (୧୯), ଏବଂ ଚନ୍ଦନ ମଲିକ (୧୮) ବିଲକୁ ଘାସ କାଟିବାକୁ ଯାଇଥିବା ସମୟରେ ବଜ୍ରଘାତ ମାରିଥିଲା । ଫଳରେ ଉଭୟ ସେଠାରେ ଟଳି ପଡିଥିଲେ । ଉଭୟଙ୍କୁ ବିଲରୁ ଉଦ୍ଧାର କରାଯାଇ ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ସୁଲେଖା ଗରିବ ଲୋକ ହୋଇଥିବାରୁ ତାଙ୍କୁ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି ।
