ପୋଲିସକୁ ଟାଙ୍ଗିଆରେ ହାଣିଦେଲା ଦୁର୍ବୃତ୍ତ

ନୂଆଦିଲ୍ଲୀ, ୧୪/୦୪ (ସନ୍ଧାନ ନିୟୁଜ) : ସମଗ୍ର ଦେଶରେ କରୋନା ମୁକାବିଲା ପାଇଁ ଲକ୍ ଡାଉନ୍ ଜାରି ରହିଥିବା ବେଳେ ଜମ୍ମୁ ଓ କଶ୍ମୀରରେ ଜଣେ ପୋଲିସ କର୍ମଚାରୀ ସହିଦ ହୋଇଛି। ଅନ୍ୟ ଜଣେ ଆହତ ହୋଇଥିବା ଜଣାପଡିଛି। ଖବର ଅନୁଯାୟୀ ଘଟଣାଟି ଘଟିଛି କଶ୍ମୀରର କିସ୍ତଓ୍ୱାର ଜିଲ୍ଲାର ଦଚ୍ଚନ ତହସିଲରେ। ଦୁଇଜଣ ଆତତାୟୀ ବସରାତ ହୁସେନ ଓ ଆସିକ ହୁସେନ ପାଟ୍ରୋଲିଂ କରୁଥବା ପୋଲିସ କର୍ମଚାରୀମାନଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ। ଘଟଣାସ୍ଥଳରେ ରସିଦ ଇକବାଲ ମୃତ୍ୟୁବରଣ କରିଥିବା ବେଳେ ଏଏସଆଇ ବିଶାଲ ସିଂ ଆହତ ହୋଇ ଚିକିତ୍ସିତ ହେଉଛନ୍ତି।