ପୁରୀ, ୨୪/୦୧/୨୦୧୨ (ସନ୍ଧାନ ନିଉଜ) ପୁରୀ ଟାଉନ ଥାନା ଅଞ୍ଚଳରେ ନାବାଳିକାକୁ ଦୁର୍ଷ୍କମ ଘଟଣା । ନାବାଳିକାର ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ଜଣାପଡିଛି । ନାବାଳିକା ଜଣ ଏବେ ଏସସିବି ମେଡିକାଲର ପ୍ରସୂତି ବିଭାଗରେ ଚିକିତ୍ସିତ ହେଉଛନ୍ତି । ଗତକାଲି ନାବାଳିକା ଜଣକୁ ଛାତ ଉପରେ ଏକୁଟିଆ ଦେଖି ସେହି ଅଞ୍ଚଳର ଜଣେ ଯୁବକ ଦୁର୍ଷ୍କମ କରିଥିବା ନେଇ ଅଭିଯୋଗ ହୋଇଥିଲା ।
ତେବେ ଅଭିଯୁକ୍ତ ଜଣକ ମହେଶ୍ୱର ମହାନ୍ତି ବୋଲି ଜଣାପଡିଛି । ଥାନାରେ ପରିବାର ଲୋକେ ଅଭିଯୋଗ କରିବା ପରେ ମହେଶ୍ୱର ଫେରାର ହୋଇଯାଇଛି । ଆଇପିସି ଧାରା ୩୭୬(ଖ)ଓ ପୋକ୍ସୋ ଆକ୍ଟ୬ରେ ମାମଲା ରୁଜୁ ହୋଇଛି । ମାତ୍ର ଏଯାଏଁ ବି ଅଭିଯୁକ୍ତର ପତ୍ତା ମିଳିନଥିବା ସୂଚନା ମିଳିଛି ।
ସେପଟେ ଅଭିଯୁକ୍ତକୁ ଧରିବା ପାଇଁ ୪ଟି ସ୍ୱତନ୍ତ୍ର ଟିମ୍ ଗଠନ କରିଛି । ଏହାସହିତ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି । ସେପଟେ ପୁରୀ ଭଳି ପବିତ୍ର ସ୍ଥାନରେ ଏଭଳି ଘଟଣାକୁ ନେଇ ସାଧାରଣରେ ଉଦବେଗ ପ୍ରକାଶ ପାଇଛି । ଏହି ଘଟଣାକୁ ନେଇ ସ୍ଥାନୀୟବାସିନ୍ଦା ନିନ୍ଦା କରିଛନ୍ତି ।
