ପିଲାମାନଙ୍କୁ ଅଭିଭାବକଙ୍କ ସମର୍ଥନ ମିଳିବା ଜରୁରୀ! ଏହି ୫ଟି ସରଳ ଟିପ୍ସକୁ ଆପଣାନ୍ତୁ….

ଆଜିର ସମୟରେ ଦ୍ରୁତ ଗତି ଏବଂ ବ୍ୟସ୍ତ ବହୁଳ ଜୀବନରେ, ଅଭିଭାବକ ମାନେ ସେମାନଙ୍କ ପିଲାମାନଙ୍କର ଆବଶ୍ୟକତା ପୂରଣ କରିବାରେ ଏତେ ବ୍ୟସ୍ତ ହୋଇଯାଆନ୍ତି ଯେ, ପିଲାମାନଙ୍କ ମାନସିକ ସ୍ଥିତିକୁ ବୁଝିବାରୁ ଦୁରେଇ ଯାଆନ୍ତି | ଭଲ ସ୍କୁଲ, ଉନ୍ନତ ସୁବିଧା ଏବଂ ଏକ ସୁରକ୍ଷିତ ଭବିଷ୍ୟତ ଯୋଗାଇବା ଗୁରୁତ୍ୱପୂର୍ଣ୍ଣ, କିନ୍ତୁ ପିଲାମାନଙ୍କ ମନକୁ ବୁଝିବା ମଧ୍ୟ ସମାନ ଗୁରୁତ୍ୱପୂର୍ଣ୍ଣ।ଭାବପ୍ରବଣ ଭାବରେ ଉପସ୍ଥିତ ରହିବାର ଅର୍ଥ ସବୁବେଳେ ଏକାଠି ରହିବା ନୁହେଁ, ବରଂ ପିଲାର ଭାବନାକୁ ବୁଝିବା ଏବଂ ଗ୍ରହଣ କରିବା ଏବଂ ସଠିକ୍ ସମୟରେ ସେମାନଙ୍କୁ ସମର୍ଥନ କରିବାକୁ ମଧ୍ୟ ବୁଝାଇଥାଏ । ତେବେ ଏହା ଗୋଟିଏ ଦିନର କାର୍ଯ୍ୟ ନୁହେଁ, ବରଂ ପ୍ରତିଦିନ ଛୋଟ ଛୋଟ ଅଭ୍ୟାସକୁ ଦୈନନ୍ଦିନ ଜୀବନରେ ଆପଣାଇବା ଜରୁରୀ ହୋଇଥାଏ | ଯେତେବେଳେ ଏକ ପିଲା ଜାଣିଥାଏ ଯେ ତାଙ୍କ ବାପାମା ସେମାନଙ୍କୁ ନିଃସର୍ତ୍ତ ଭାବରେ ବୁଝୁଛନ୍ତି କିମ୍ବା ଗ୍ରହଣ କରୁଛନ୍ତି ତେବେ ସେମାନେ କେବଳ ମାନସିକ ଭାବରେ ଶକ୍ତିଶାଳୀ ହୋଇନଥାନ୍ତି ବରଂ ଜୀବନର ଚ୍ୟାଲେଞ୍ଜଗୁଡ଼ିକୁ ସାମ୍ନା କରିବାକୁ ମଧ୍ୟ ସକ୍ଷମ ହୋଇଥାନ୍ତି।ସାଧାରଣତଃ ଦେଖାଯାଏଯେ, ଯେତେବେଳେ ପିଲାମାନେ ଅଭିଭାବକ ମାନଙ୍କୁ କିଛି କୁହନ୍ତି, ପିତାମାତା ତୁରନ୍ତ ପରାମର୍ଶ ଦେବାକୁ କିମ୍ବା ଠିକ୍ ଏବଂ ଭୁଲ ବୁଝାଇବାକୁ ଆଗଭର ହୋଇଯାଆନ୍ତି । କିନ୍ତୁ କେତେକ ପରିସ୍ଥିତିରେ ପିଲାମାନଙ୍କ ପରାମର୍ଶ ଦେବା ଅପେକ୍ଷା ତାଙ୍କୁ ବୁଝିବା ଆବଶ୍ୟକ ହୋଇଥାଏ | ତେବେ ପିଲାମାନେ ସେମାନଙ୍କର ଭାବନା କିଛି ପ୍ରକାଶ କରୁଛନ୍ତି ତେବେ ତାଙ୍କ କଥାକୁ ଧ୍ୟାନର ସହିତ ଶୁଣନ୍ତୁ | ମୋବାଇଲ୍ ଫୋନ୍ କିମ୍ବା ଟିଭି ଉପରୁ ଧ୍ୟାନ ହଟାନ୍ତୁ, ସେମାନଙ୍କ ଆଖିକୁ ଦେଖନ୍ତୁ ଏବଂ ଶାନ୍ତ ଭାବରେ ଶୁଣନ୍ତୁ। ବାଧା ଦେବା କିମ୍ବା ବିଚାର କରିବାରୁ ଦୂରେଇ ରୁହନ୍ତୁ। ଯେତେବେଳେ ଜଣେ ପିଲା ଅନୁଭବ କରେ ଯେ, ତାଙ୍କ କଥା ଆପଣଙ୍କ ପାଇଁ ଗୁରୁତ୍ୱପୂର୍ଣ୍ଣ, ସେମାନେ ମାନସିକ ସ୍ତରରେ ସୁରକ୍ଷିତ ଅନୁଭବ କରିଥାନ୍ତି ।ପିଲାମାନେ ପ୍ରାୟତଃ ସେମାନଙ୍କର କ୍ରୋଧ, ଭୟ କିମ୍ବା ଦୁଃଖ ପ୍ରକାଶ କରିବାକୁ କୁଣ୍ଠାବୋଧ କରିଥାଆନ୍ତି। ସହଜରେ ଡରି କିଛି କଥା ପ୍ରକାଶ କରି ପାରନ୍ତି ନାହିଁ | କଲେ କିଏ ତାଙ୍କ ଉପରେ ରାଗିବ? ଏଭଳି ପରିସ୍ଥିତିରେ, ସେମାନଙ୍କୁ ଆଶ୍ୱସ୍ତ କରାଯିବା ଆବଶ୍ୟକ ଯେ, ସେମାନେ ଯାହା ଅନୁଭବ କରୁଛନ୍ତି ତାହା ଭୁଲ ନୁହେଁ। ସେମାନଙ୍କୁ ପଚାରନ୍ତୁ, “ତୁମେ ରାଗିଛ କି?” “ସବୁକିଛି ଠିକ୍ ଅଛି କି?” “ତୁମେ ଦୁଃଖୀ ଦେଖାଯାଉଛ କି?” ଏ ପ୍ରଶ୍ନ ଗୁଡିକ ହୁଏତ ସାମାନ୍ୟ ହୋଇପାରେ କିନ୍ତୁ ପିଲାମାନଙ୍କୁ ବୁଝିବା ପାଇଁ ଅତ୍ୟନ୍ତ ଆବଶ୍ୟକ ହୋଇଥାଏ | ଏଭଳି ପ୍ରଶ୍ନ ସେମାନଙ୍କୁ ସେମାନଙ୍କର ଭାବନାକୁ ଚିହ୍ନିବାରେ ସାହାଯ୍ୟ କରେ। ଭାବନାକୁ ଶେଷ କରିବା ପରିବର୍ତ୍ତେ ଗ୍ରହଣ କରିବା ଭାବପ୍ରବଣ ଶକ୍ତିର ମୂଳଦୁଆ ସ୍ଥାପନ କରେ।ତେବେ ପିଲାମାନଙ୍କ ସହିତ ବିତାଇଥିବା ସମୟ କେବଳ ସେତେବେଳେ ଅର୍ଥପୂର୍ଣ୍ଣ ହୁଏ ଯେତେବେଳେ ଆପଣଙ୍କର ସମ୍ପୂର୍ଣ୍ଣ ଧ୍ୟାନ ସେମାନଙ୍କ ଉପରେ ଥାଏ। ପ୍ରତିଦିନ ଯେତେବେଳେ ଆପଣ କେବଳ ଆପଣଙ୍କ ପିଲା ସହିତ ଥାଆନ୍ତି, ଫୋନ୍ କଲ୍ କିମ୍ବା କାମ ବିଷୟରେ ଚିନ୍ତା ନକରି ତାଙ୍କ ସହିତ ସମୟ ବିତାନ୍ତୁ। ସେହି ସମୟରେ ତାଙ୍କ ସହିତ ଖେଳିବା, କଥାବାର୍ତ୍ତା କରିବା କିମ୍ବା ଏକାଠି କିଛି ଛୋଟ ଛୋଟ କାମ କରିବା ଜୀବନରେ ଗୁରୁତ୍ୱପୂର୍ଣ୍ଣ ହୋଇଥାଏ | ଏହି ପ୍ରକାରର ଗୁଣାତ୍ମକ ସମୟ ଆପଣଙ୍କ ପିଲାକୁ ଆଶ୍ୱସ୍ତ କରେ ଯେ ସେମାନଙ୍କର ଦୁର୍ବଳତା ଦେଖାଇବା ସେମାନଙ୍କ ଜୀବନ ପ୍ରତି ସମସ୍ୟା ଆଣିବ କିନ୍ତୁ ଏହା ଠିକ ନୁହେଁ। ଯେତେବେଳେ ଆପଣ ଆପଣଙ୍କ ପିଲାକୁ ଆପଣଙ୍କ ଭାବନା ପ୍ରକାଶ କରନ୍ତି, ସେମାନେ ଶିଖନ୍ତି ଯେ ଭାବନା ଲୁଚାଇବା ଆବଶ୍ୟକ ନୁହେଁ ବରଂ କଷ୍ଟକର ପରିସ୍ଥିତିରେ ନିଜର ଅଭିଭାବକ ମାନଙ୍କ ଆଗରେ ଆଲୋଚନା କରିବା କଥା | ଯାହାଦ୍ୱାରା ସମାଧାନର ରାସ୍ତା ସହଜରେ ବାହାରି ପାରିବ |କଥା ହେଉଛି ଯେ, ହାତର ସବୁ ଆଙ୍ଗୁଠି ସମାନ ନୁହେଁ | ସମାନ ଭାବରେ ପ୍ରତ୍ୟେକ ପିଲା ଭିନ୍ନ,ଭିନ୍ନ ଗୁଣ, ଜ୍ଞାନ ଏବଂ କ୍ଷମତା ସହିତ ଜନ୍ମ ହୋଇ ଥାଆନ୍ତି। ଯେତେବେଳେ ପିତାମାତା ନିରନ୍ତର ଭାବେ ଅନ୍ୟ ସହିତ ତୁଳନା କରନ୍ତି କିମ୍ବା ସିଦ୍ଧତା ଆଶା କରନ୍ତି, ପିଲାମାନେ ମାନସିକ ସ୍ତରରେ ଦୁର୍ବଳ ଅନୁଭବ କରିବାକୁ ଆରମ୍ଭ କରନ୍ତି। କେବଳ ତାଙ୍କ ଫଳାଫଳ ପାଇଁ ନୁହେଁ, ବରଂ ତାଙ୍କ ଛୋଟ ଛୋଟ ପ୍ରୟାସ ପାଇଁ ସେମାନଙ୍କୁ ପ୍ରଶଂସା କରିବାକୁ ଚେଷ୍ଟା କରନ୍ତୁ। ଏହି ମନୋଭାବ ସେମାନଙ୍କୁ ଆତ୍ମବିଶ୍ୱାସକୁ ବଢାଇବା ସହ ସେମାନଙ୍କ ମାନସିକ ସ୍ଥିତିକୁ ଭାବରେ ମଧ୍ୟ ସୁଦୃଢ କରିଥାଏ |