ପତ୍ନୀଙ୍କୁ ନିର୍ଯାତନା ଦେଇ ସ୍ଵାମୀ ଗଲେ ଜେଲ୍

ଯାଜପୁର, ୨୧/୦୭ (ସନ୍ଧାନ ନିୟୁଜ/ପ୍ରଶାନ୍ତ ସାମଲ) ଧର୍ମଶାଳା ନିର୍ବାଚନ ମଣ୍ଡଳୀ ମଧୁସୂଦନପୁର ପଞ୍ଚାୟତ ଅନ୍ତର୍ଗତ ବକଭଦ୍ରପୁର ଗ୍ରାମର ଧନେଶ୍ୱର ବେହେରାଙ୍କ ପୁଅ ଅନନ୍ତ ଚରଣ ବେହେରାଙ୍କୁ ପତ୍ନୀଙ୍କୁ ନିର୍ଯ୍ୟାତନା ଦେବା ଅଭିଯୋଗରେ ଜେନାପୁର ପୋଲିସିଙ୍କ ଦ୍ୱାରା ଗିରଫ କରାଯାଇଛି ।ପୋଲିସି ସୂତ୍ରରୁ ମିଳିଥିବା ସୂଚନା ଅନୁଯାୟୀ ଅନନ୍ତ ଗତ ୨୦୧୮ଜୁଲାଇ ୧୦ତାରିଖର ସାତମାଣ ଗ୍ରାମର ଝୁନଲତା ବେହେରାଙ୍କୁ ବିବାହ କରିଥିଲେ, ବାହାଘର କିଛିଦିନ ପରେ ଅନନ୍ତ ନିଜ ସ୍ତ୍ରୀ ଝୁନଲତାଙ୍କୁ ଅଧିକ ଯୌତୁକ ଅର୍ଥ ଦାବି କରିବା ସହ ମାଡ଼ ମାରୁଥିଲା, ମଦ୍ୟପାନ କରି ଅଶୀଳଭାଷାରେ ଗାଳି ଗୁଲଜ ମଧ୍ୟ ଅଭିଯୋଗ ହୋଇଥିଲା। ସବୁଠୁ ବଡ଼ ଗୁରୁତ୍ୱପୂର୍ଣ୍ଣ କଥା ହେଲା ଝୁନଲତା ତିନି ମାସରଗର୍ଭବତୀ ଥିବାବେଳେ ଅନନ୍ତ ତାଙ୍କ ଅଜଣାତରେ ବୋହୁ ଚତୁରତାର ସହିତ ଗର୍ଭ ନଷ୍ଟ କରିଦେଇଥିଲା।ଏହା ଛଡ଼ା ଅନନ୍ତ ଅନ୍ୟ ଜଣେ ମହିଳାଙ୍କ ସହ ଚୋରା ପୀରତି କରୁଥିଲେ ବୋଲି ଝୁନଲତା ନିଜ ଅଭିଯୋଗରେ ଦର୍ଶାଇଛନ୍ତି ।ଏଭଳି ଏକ ସଙ୍ଗୀନ ଅଭିଯୋଗ ଗତକାଲି ଝୁନଲତା ଜେନାପୁର ଥାନାରେ କରିବାପରେ ପୋଲିସ ଅନନ୍ତ ନାମରେ ୧୬୮/୧୯/କେସେ ମାମଲା ରୁଜୁ କରିବାସହ ବହୁ ସଙ୍ଗୀନ ଦଫା ଲଗାଇ ଅନନ୍ତକୁ ଗିରଫ କରି କୋର୍ଟ ଚାଲାଣ କରିଛନ୍ତି।