ନୂତନ ଭୋଟର ମାନଙ୍କ ପାଇଁ ସଚେତନତା କାର୍ଯ୍ୟକ୍ରମ ଅନୁଷ୍ଟିତ

ଯାଜପୁର ସଦର,୧୯ା୧୧: ଯାଜପୁର ଜିଲ୍ଲା ରସୁଲପୁର ବ୍ଲକ ଅନ୍ତର୍ଗତ ବ୍ରହ୍ମବରଦା +୩ ମହାବିଦ୍ୟାଳୟ ପରିଶରରେ ଏକ ସଚେତନା କାର୍ଯ୍ୟକ୍ରମ ଅଧ୍ୟକ୍ଷ ମହେଶ୍ୱର ପାଢ଼ୀଙ୍କ ସଭାପତିତ୍ୱରେ ଅନୁଷ୍ଟିତ କରାଯାଇଥିଲା । ମୁଖ୍ୟ ଅତିଥି ଭାବେ ପୂର୍ବତନ ସରପଂଚ ବିପିନ ବିହାରୀ ଦେଓ ଯୋଗଦେଇଥିବା ବେଳେ, ନୂତନ ଭୋଟର ଉପଦେଶ ଦେଇଥିଲେ । ସହଶିକ୍ଷାଧିକାରୀ ପ୍ରଭଞ୍ଜନ ପତି ଏବଂ ସୁପରଭାଇଜର ଦେବରାଜ ମିଶ୍ର ଏହି ମହାବିଦ୍ୟାଳୟରେ ପାଠ ପଢ଼ୁଥିବା ୧୮ ବର୍ଷରୁ ଉର୍ଦ୍ଧ୍ୱ ଛାତ୍ର ଛାତ୍ରୀଙ୍କୁ ଅନଲାଇନ ମାଧ୍ୟମରେ ନିଜ ନାମ ଭୋଟର ତାଲିକାରେ ପଞ୍ଜିକରଣ କରିପାରିବେ ବୋଲି ତଥ୍ୟ ପ୍ରଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ଅବଜଲ ଅଲ୍ଲୀ, ପବିତ୍ର ପ୍ରଶାଦ ସାହୁ ଏହି ଶିବିରରେ ଯୋଗଦାନ କରିଥିଲେ । ଅଧ୍ୟାପକ ସଂଜୟ ପ୍ରଧାନ ଅତିଥି ମାନଙ୍କ ପରିଚୟ ପ୍ରଦାନ କରିଥିବା ବେଳେ, ଅଧ୍ୟାପକ ଅମୂଲ୍ୟ ପତି ଧନ୍ୟବାଦ ଅର୍ପଣ କରିଥିଲେ ।