ଧଳ ସାମନ୍ତ ବ୍ରଦର୍ସ ଘରୁ ପୁଣି ମିଳିଲା ବନ୍ଧୁକ-ଗୁଳି

ବାରିପଦା, 26.12.2020(ସନ୍ଧାନ ନିଉଜ୍/ ଲିଙ୍ଗରାଜ ପଣ୍ଡା) ଧଳସାମନ୍ତ ଭ୍ରାତା ଘରୁ ପୁଣି ମିଳିଲା ବନ୍ଧୁକ ଓ ଗୁଳି। ଆଜି ଚଢାଉ ବେଳେ ୩ଟି ବନ୍ଧୁକ ଓ ୧୭୦ ରାଉଣ୍ଡ ଗୁଳି ମିଳିଥିବା ପୋଲିସ କମିଶନର ସୂଚନା ଦେଇଛନ୍ତି। ଡି ବ୍ରଦର୍ସ ପରିସ୍ଥିତିରେ ପୋଲିସ ଏହି ଚଢାଉ କରିଛି । ଡି ବ୍ରଦର୍ସଙ୍କୁ ୩ ଦିନିଆ ରିମାଣ୍ଡରେ ଆଣି ଘର ଯାଞ୍ଚ କରୁଛି ପୋଲିସ। ଧଳ ସାମନ୍ତ ବ୍ରଦର୍ସ ଘରେ ପୁଣି ଖୋଲତାଡ କରିଛି କମିଶନରେଟ୍ ପୋଲିସ୍ । ଦୁଇ ଭାଇଙ୍କୁ ରିମାଣ୍ଡରେ ଆଣିବା ପରେ ଆଜି ସି ଡି ଏ ଘରକୁ ନେଇ ଅଧୁକ ଖୋଳତାଡ଼ କରିଛି ପୋଲିସ । ଡିଟେକଟର ମେସିନ, ଅତ୍ୟାଧୁନିକ ଜ୍ଞାନ କୌଶଳରେ ଛାନଭିନ୍ କରିବା ସହିତ ଘର କାନୁତାଡି ଗୁଳି ବନ୍ଧୁକ ଖୋଜିଛି କମିଶନରେଟ୍ ପୋଲିସ୍ । ଏହି ଖୋଳତାଡରେ ପୋଲିସ ହାତରେ ଲାଗିଛି ୩ଟି ବନ୍ଧୁକ ଓ ୧୭୦ ରାଉଣ୍ଡ ଗୁଳି । ଦୀର୍ଘ ୪ ବର୍ଷ ହେଲା ଜେଲରେ ସଜା କାଟୁଥିବା ଡି ବ୍ରଦର୍ସଙ୍କୁ କମିଶନରେଟ୍ ପୋଲିସ୍ ରିମାଣ୍ଡରେ ଆଣିଛି। ଏହା ପୂର୍ବରୁ ଚଢାଉ ବେଳେ ଡିବ୍ରଦର୍ସ ଘରୁ ଶୋ କେଶ ଓ ଇନ୍ମରିୟର ଭିତରୁ ୧୦୫୫ ଗୁଳି ଓ ୭ ଟି ବନ୍ଧୁକ ମିଳିଥିଲା । ସିକ୍ରେଟ୍ ଚାମ୍ବରରୁ ଜବତ ହୋଇଥିବା ବନ୍ଧୁକ ଓ ଗୁଳି ବାଦ ଆଉ କେଉଁଠି କଣ ରହିଛି କି ସେ ସମ୍ପର୍କରେ ୨ ଭାଇଙ୍କୁ ପଚରାଉଚରା କରାଯାଇଥିଲା । ସେମାନଙ୍କ ସୁରାକ୍ ଆଧାରରେ ଆକ୍ସନ ନେଇଥିଲା ପୋଲିସ । ଏମିତିକି ଖାନତଲାସୀ ବେଳେ ଡେନସିଟି ଡିଟେକଟର, ଏନ୍ ଏଲ ସି ଡି , ଏଚଡି ଏନ୍ ଡି ଭଳି ଯନ୍ତ୍ରପାତି ବ୍ୟବହାର କରାଯାଇଥିଲା । ଧଳସାମନ୍ମ ବ୍ରଦର୍ସଙ୍କ ଘରୁ ବନ୍ଧୁକ ଓ ଗୁଳି ଜବତ ହେବା ପରେ‌ ଦୁଇ ଭାଇଙ୍କର ୧୨ ସହଯୋଗୀଙ୍କୁ ଗିରଫ କରିଥିଲା ପୋଲିସ । ଏବେ ୨ ଭାଇଙ୍କୁ ରିମାଣ୍ଡରେ ନେଇ ଆର୍ମି କାରବାର ଚେର କେତେ ଦୂର ଲମ୍ବିଛି ତାର ଖିଅ ଖୋଜୁଛି ପୋଲିସ ।