ଧର୍ମଶାଳା ମିଡିଆ କ୍ଲବର ଶୁଭାରମ୍ଭ ଓ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ

ଗଡ଼ମଧୁପୁର,୨୦/୦୭/୨୧ (ସନ୍ଧାନ ନିଉଜ) : ଧର୍ମଶାଳା ବ୍ଲକ ଅଂଚଳର ମୁଦ୍ରିତ ଓ ବୈଦ୍ୟୁତିକ ଗଣମାଧ୍ୟମର ସାମ୍ବାଦିକ ମାନଙ୍କୁ ନେଇ ଗଠିତ ହୋଇଥିବା ‘ଧର୍ମଶାଳା ମିଡିଆ କ୍ଲବ’ର ଆଜି ବାହୁଡା ନବମୀ ଅବସରରେ ଆମନ୍ତ୍ରୀତ ଅତିଥି ମାନଙ୍କ ଦ୍ୱାରା ବୃକ୍ଷ ରୋପଣ କରାଯାଇ ଶୁଭାରମ୍ଭ କରାଯାଇଛି । ଏହି ଅବସରରେ ମଧୁପୁରଗଡ ପଂଚାୟତର ସୂନାମୁହିଁ ଠାକୁରାଣି ପିଠରେ ୫୦ରୁ ଅଧିକ ବିଭିନ୍ନ ପ୍ରକାର ବୃକ୍ଷ ଚାରା ରୋପଣ କରାଯାଇଥିଲା । ପ୍ରାରମ୍ଭରେ ଠାକୁରାଣି ପିଠରେ ପୂଜାର୍ଚ୍ଚନା ପରେ ଅତିଥି ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । କରୋନା କଟକଣା ଭିତରେ ଆୟୋଜିତ ନିରାଡମ୍ବର ସଭାରେ ସମ୍ପାଦକ ଆନନ୍ଦ ମହାରଣାଙ୍କ ପ୍ରାରମ୍ଭିକ ସୁଚନା ପରେ କ୍ଲବର ସଭାପତି ବିମଳ ପତି ସଭାପତିତ୍ୱ କରି ସଭାକାର୍ଯ୍ୟ ଆରମ୍ଭ କରିଥିଲେ । ଧର୍ମଶାଳା ଥାନାଧିକାରୀ ସରୋଜ କୁମାର ସାହୁ, ପରିବେଶବିତ ଶ୍ରୀନିବାସ ଜେନା(ଚଗଲି), ବନପାଳ ମହମ୍ମଦ ସାକିର ହୁସେନ, ୧୨ନଂ ଜୋନ ଜିଲା ପରିଷଦ ସଦସ୍ୟା ପ୍ରଣତି ଲେଙ୍କା, କବାଟବନ୍ଧ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡା. ନିହାର ରଂଜନ କର ଅତିଥି ଭାବରେ ପଦାର୍ପଣ କରି କ୍ଲବର ସଦସ୍ୟ ମାନଙ୍କୁ ପରିଚୟ ପତ୍ର ପ୍ରଦାନ କରିଥିଲେ । ପ୍ରାକୃତିକ ଜଙ୍ଗଲର ସୁରକ୍ଷା କରାଯିବା ସହିତ ନୁତନ ଜଙ୍ଗଲ କିପରି ସୃଷ୍ଟି ହୋଇ ପାରିବ ସେଥିପ୍ରତି ଯତ୍ନବାନ ହେବା ପାଇଁ ଆଜିର ଜୁବ ସମାଜକୁ ଅତିଥିମାନେ ଆହ୍ୱାନ ଦେଇଥିଲେ । ପଡିଆ ଜାଗାରେ ଚାରାରୋପଣ କରିବା ସହିତ ତାର ରକ୍ଷଣା ବେକ୍ଷଣ ଉପରେ ଗୁରୁତ୍ୱାରୋପ କରିଥିଲେ । ରୋପଣ କରାଯାଇଥିବା ଚାରାର ସୁରକ୍ଷା ଦିଗରେ ଚେଷ୍ଠା କରାଯିବ ବୋଲି ବନପାଳ ପ୍ରତିଶୃତି ଦେଇଥିଲେ । ଦୀର୍ଘ ଆଠ ମାସ ପୂର୍ବରୁ ଗଠନ କରାଯାଇ ନିଜର ସାମାଜିକ କାର୍ଯ୍ୟକଳାପ ଜାରି ରଖିଥିବା ଏହି କ୍ଲବ ଆଜି ଆନୁଷ୍ଠାନିକ ଭାବରେ ଘୋଷିତ ହେବା ପରେ ସାମାଜିକ କାର୍ଯ୍ୟରେ ନିୟୋଜିତ ହୋଇ ବୃକ୍ଷ ରୋପଣ କରି ପାରିଥିବାରୁ ଉପ ସଭାପତି ବସନ୍ତ କୁମାର ନାୟକ ଓ କାର୍ଯ୍ୟକାରୀ ସଭାପତି ଶସିକାନ୍ତ ରାଉତ କ୍ଲବର ସଭାପତି ତଥା ସଦସ୍ୟ ମାନଙ୍କୁ ସାଧୁବାଦ ଜଣାଇଥିଲେ । ସାମାଜିକ ଗଣମାଧ୍ୟମ ସଂଯୋଜକ ଶୁଶାନ୍ତ କୁମାର ସାହୁ ପ୍ରାରମ୍ଭିକ ଭାଷଣ ଦେଇଥିଲେ । ସହ ସମ୍ପାଦକ ଦିଲଦାର ଚାନ୍ଦ, କୋଷାଧ୍ୟକ୍ଷ ସେକ ଆଲାଉଦ୍ଦିନ, ଅୟଶକାନ୍ତ ରାଉତ, ଦୀପକ ଦାସ, ସୁଶାନ୍ତ କୁମାର ଗୋଚ୍ଛାୟତ, ଶୁସାନ୍ତ ନାୟକ, ଅଶୋକ ଦାସ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଚିନ୍ମୟ ନାୟକ ଧନ୍ୟବାଦ ଅର୍ପଣ କରିଥିଲେ ।