ଦୃର୍ଘଟଣାରେ ଗୁରୁତର ଆହତ ହୋଇ ଚିକିତ୍ସିତ ହେଉଥିବା ଯୁବକଙ୍କ ମୃତ୍ୟୁ

ଧର୍ମଶାଳା, ୧୩/୦୭ (ସନ୍ଧାନ ନିୟୁଜ) ଧର୍ମଶାଳା ବ୍ଲକ ଅନ୍ତର୍ଗତ ହରିଦାସପୁର ଗ୍ରାମର ସତ୍ୟଜିତ ପରିଡା ଓରଫ ଚିଂଟୁ(୨୨)ଙ୍କ ଆଜି ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ସୂଚନା ମୁତାବକ ଗତ ୮ତାରିଖ ଦିନ ରାତିରେ ଚଣ୍ଡିଖୋଲ ଯାଉଥିବା ବେଳେ ଧର୍ମଶାଳା ଭବନ ନିକଟରେ ଦୃର୍ଘଟଣା ଘଟିଥିଲା । ପରେ ତାଙ୍କୁ ବଡଚଣା ଏବଂ ପରେ କଟକସ୍ଥିତ ଏକ ଘୋରଇ ମେଡିକାଲରେ ଚିକିତ୍ସା କରାଯାଉଥିଲା । ଆଜି ସକାଳ ସମୟରେ ସତ୍ୟାଜିତଙ୍କ ମୃତ୍ୟୁ ଘଟିଛି । ସତ୍ୟଜିତଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ଗ୍ରାମରେ ଶୋକର ଛାୟା ଖେଳିଯାଇଥିଲା । ପରେ ସଂଧ୍ୟା ସମୟରେ ତାଙ୍କର ମର ଶରୀର ଗ୍ରାମରେ ପହଂଚିବା ପରେ ଏକ ଶୋଭାଯାତ୍ରାରେ ଗ୍ରାମ ପରିକ୍ରମା କରାଯାଇଥିଲା । ପରେ ଗ୍ରାମ ସ୍ମଶାନରେ ଶେଷକୃତ ସମ୍ପନ୍ନ କରାଯାଇଥିଲା । ତେବେ ଡିବିଏଲ କମ୍ପାନୀର ଜାତୀୟ ରାଜପଥ ଉପରେ ମାଟିଗଦା କାରଣରୁ ହୋଇଥିବା ଏହି ଦୃର୍ଘଟଣା ପାଇଁ ଗ୍ରାମବାସୀ ମାନେ ଡିବିଏଲ କମ୍ପାନୀକୁ ଦାୟୀ କରିବା ସହିତ କ୍ଷତି ପୂରଣ ଦେବାକୁ ଦାବି କରିଛନ୍ତି ।