ତିନି ଲକ୍ଷରୁ ଉର୍ଦ୍ଧ୍ବ ଟଙ୍କାର ବିଦେଶୀ ମଦ ଜବତ, ଦୁଇ ଗିରଫ

ରାଇରଙ୍ଗପୁର-୨୩/୨/୨୦୨୨(ସନ୍ଧାନ ନ୍ୟୁଜ୍/ ପରେଶ୍ଚନ୍ଦ୍ର ଷଡ଼ଙ୍ଗୀ) ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ବିଜାତଳା ବଜାର ସ୍ଥିତ ହାଟ ନିକଟରେ ଥିବା ଏକ ଘରୁ ବିଦେଶୀ ମଦ ସହିତ ନକଲି ମଦ ଗଚ୍ଛିତ ଥିବା ସୂଚନା ପାଇ ଅବକାରୀ ବିଭାଗ ଚଢାଉ କରିଥିଲା। ତିନି ଲକ୍ଷରୁ ଉର୍ଦ୍ଧ୍ବ ଟଙ୍କାର ବିଦେଶୀ ମଦ ଜବତ କରିବା ସହିତ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିଛି ଅବକାରୀ ପୋଲିସ। ତେବେ ଜବତ୍ ମଦ ଗୁଡିକର ଆନୁମାନିକ ମୂଲ୍ୟ ତିନି ଲକ୍ଷରୁ ଉର୍ଦ୍ଧ୍ବ ଟଙ୍କା ହେବ ବୋଲି ରାଇରଙ୍ଗପୁର ଅବକାରୀ ଇନ୍ସପେକ୍ଟର ସୂଚନା ଦେଇଛନ୍ତି। ଆସନ୍ତା କାଲି (ଗୁରୁବାର)ବିଜାତଳା ବ୍ଳକର ଦୁଇଟି ଜିଲ୍ଲା ପରିଷଦ ଜନରେ ମତଦାନ ହେବାକୁ ଥିବା ବେଳେ ଭୋଟରଙ୍କୁ ପ୍ରଭାବିତ କରିବାକୁ ମଦ ଗଚ୍ଛିତ ରଖାଯାଇଥିବା ସାଧାରଣ ରେ ସନ୍ଦେହ କରାଯାଉଛି।