ଡ୍ରାଇଭର ମହାସଂଘ ପକ୍ଷରୁ ଏଣ୍ଡଳବା ଠାରେ ବୈଠକ ଅନୁଷ୍ଠିତ ।

ଜେନାପୁର/୦୩/୦୫/ସନ୍ଧାନ ନିଉଜ୍/ପ୍ରଶାନ୍ତ ସାମଲ)     ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅନ୍ତର୍ଗତ ଏଣ୍ଡଳବା ଗ୍ରାମ ପଞ୍ଚାୟତ ରେ ଯାଜପୁର ଜିଲ୍ଲା ଡ୍ରାଇଭର ମହାସଂଘ ର ସମସ୍ତ କର୍ମକର୍ତ୍ତା ଓ ସଦସ୍ୟ ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା ।ଖବରରୁ ପ୍ରକାଶ ଯେ ବୈଠକରେ ଜିଲ୍ଲା ଡ୍ରାଇଭର ମହାସଂଘର ସଭାପତି, ଉପସଭାପତି, ସମ୍ପାଦକ ଏବଂ ବିଭିନ୍ନ ପଂଚାୟତ ଡ୍ରାଇଭର ସଂଘ ଶାଖା ର କର୍ମକର୍ତ୍ତା ମାନଙ୍କ ମଧ୍ୟରେ ସଂଘ ବିଷୟରେ ଆଲୋଚନା କରାଯାଇଥିଲା ।ଡ୍ରାଇଭର ସଂଘ ତରଫରୁ ସରକାରଙ୍କ ପ୍ରତି ବିଭିନ୍ନ ପ୍ରକାର ଦାବି ଏବଂ ସଡକ ସୁରକ୍ଷା ସହିତ କିପରି ଡ୍ରାଇଭର ମାନେ ସେବା ମନୋଭାବ ନେଇ କାର୍ଯ୍ୟ କରିବେ ଆଲୋଚନା କରାଯାଇଥିଲା ।ସମାଜ ରେ ଡ୍ରାଇଭର ମାନେ କିଭଳି ନିଶାମୁକ୍ତ ଭାବେ ଗାଡି ଚଲାଇବେ ତାହା ପ୍ରତିଶ୍ରୁତି ମୂଳକ ଭାବେ ଶପଥ ନେଇଥିଲେ ।ଶେଷରେ ସ୍ଥାନୀୟ ଅଞ୍ଚଳର ସାମ୍ବାଦିକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।