ଜମ୍ମୁ-କାଶ୍ମୀର ସୋପିଆନ୍ ରେ ଏନକାଉଣ୍ଟର, ଜଣେ ଆତଙ୍କବାଦୀ ମୃତ

ସୋପିଆନ୍‌, ୨୩/06 (ସନ୍ଧାନ ନିଉଜ): ଆଜି ପୁଣି ଜମ୍ମୁ-କାଶ୍ମୀରରେ ସୁରକ୍ଷାବାହିନୀ ଦ୍ୱାରା ଏନକାଉଣ୍ଟର କରାଯାଇଛି । ସୋପିଆନ୍ ଜଙ୍ଗଲ ନିକଟରେ ଆତଙ୍କବାଦୀ କାର୍ଯ୍ୟାକଳାପର ସୂଚନା ପାଇ ସୁରକ୍ଷାକର୍ମୀଙ୍କ ଦ୍ୱାରା ସର୍ଚ୍ଚ ଅପରେସନ୍ କରାଯାଇଥିଲା ଏହି ସମୟରେ ଆତଙ୍କବାଦୀଙ୍କୁ ଠାବ କରି ସୁରକ୍ଷାକର୍ମୀ ଗୁଳିଚାଳନା କରିଥିଲେ ଏହି ଏନକାଉଣ୍ଟରରେ ଜଣେ ଆତଙ୍କବାଦୀ ର ମୃତ୍ୟୁ ହୋଇଥିବା ସୂଚନା ମିଳିଛି । ସୂଚନା ଅନୁସାରେ ସୋପିଆନ୍ ସୁରମାଲ ଅଞ୍ଚଳରେ ଏହି ଏନକାଉଣ୍ଟର କରାଯାଇଛି । ଏବେବି ସେହି ଅଞ୍ଚଳରେ ହାଇ ଆଲର୍ଟ ଜାରି ରହିଛି । ବର୍ତମାନ ସୁଦ୍ଧା ମଧ୍ୟ ସୁରକ୍ଷାକର୍ମୀ ଓ ଆତଙ୍କବାଦୀ ମାନଙ୍କ ମଧ୍ୟରେ ଗୁଳିବିନିମୟ ଜାରି ରହିଥିବା କିଛି ଜାତୀୟ ଗଣମାଧ୍ୟମ ସୂତ୍ରରୁ ସୂଚନା ମିଳିଛି ।