ଚଣ୍ଡିଖୋଲ ବନ ବିଭାଗ ଓ ଭିଜିଲାନ୍ସ ଟିମର ମିଳିତ ଚଢ଼ାଉ,୧୧୨ ବସ୍ତା କାଠ ଅଙ୍ଗାର ଜବତ

ଚଣ୍ଡିଖୋଲ,୦୨,୦୭ (ସନ୍ଧାନ ନିୟୁଜ)- ଆଜି ଚଣ୍ଡିଖୋଲ ବନପାଳ ଓ କଟକ ଭିଜିଲାନ୍ସ ଟିମ ପକ୍ଷରୁ ମିଳିତ ଭାବେ ବଡ଼ଚଣା ବ୍ଲକ ଭରତପୁର ପଂଚାୟତ ପଣସୁଧାରେ ଅଚାନକ ଚଢ଼ାଉ କରି ୧୧୨ ବସ୍ତା କାଠ ଅଙ୍ଗାର ଜବତ କରିଛନ୍ତି.ବହୁ ପୂର୍ବରୁ ଏହି ଗ୍ରାମରେ ଚୋରା କାଠ ଅଙ୍ଗାର ପ୍ରସ୍ତୁତ ହେଇ ବିଭିନ୍ନ ଜିଲ୍ଲାକୁ ପଠାଯାଉଥିବା ଖବର ବନ ବିଭାଗ ନିକଟରେ ଥିଲା ଆଜି ବନବିଭାଗ ପକ୍ଷରୁ ଚଣ୍ଡିଖୋଲ ବନପାଳ ଶଶୀକାନ୍ତ ବେହେରାଙ୍କ ନେତୃତ୍ୱରେ କଟକର ବନବିଭାଗ ଭିଜିଲାନସ ଟିମ ଗ୍ରାମରେ ଚଢ଼ାଉ କରି ୨ ଟନ ଓଜନର ଅଂଗାରକୁ ଜବତ କରିଥିଲେ ଓ ଏଥିରେ ସମ୍ପୃକ୍ତ ଯୁବକ ପୂର୍ବରୁ ଖବର ପାଇ ଫେରାର ହେଇଯାଇଥିଲା.ଜବତ ଅଙ୍ଗାରକୁ ୧୧୨ ଟି ବସ୍ତାରେ ଭର୍ତ୍ତିକରି ବନବିଭାଗର ଚଣ୍ଡିଖୋଲ କାର୍ଯ୍ୟାଳୟକୁ ଅଣାଯାଇଛି.ଏ ବିଷୟରେ ଅଧିକ ତଦନ୍ତ ଜାରିରହିଛି ଖୁବ ଶୀଘ୍ର ଏଥିରେ ସମ୍ପୃକ୍ତ ଯୁବକକୁ ଧରା ଯିବ ବୋଲି ବନପାଳ ଶଶୀକାନ୍ତ ବେହେରା କହିଛନ୍ତି.