ଗୋଛାପଡାରୁ ଗଂଜେଇ ସହ ବାଇକ ଜବତ, ଜଣେ ଗିରଫ

କନ୍ଧମାଳ,08/10.( (ସନ୍ଧାନ ନ୍ୟୁଜ୍) :-  କନ୍ଧମାଳ ଜିଲା ଗୋଛାପଡ଼ା ଥାନା ପୁଲିସ୍ ୧୭ କେଜି ଗଂଜେଇ ସହିତ ଏକ ବାଇକ୍ ଜବତ କରିଛି। ଏହି ଘଟଣାରେ  ଜଣକୁ ମଧ୍ୟ ଗିରଫ କରଇଛି। ଗିରଫ ବ୍ୟକ୍ତିର ନାମ ଦେବରାଜ ଦିଗାଲ।ସୂଚନାଯୋଗ୍ୟ, ଏକ ବାଇକରେ ଗଂଜେଇ ଚାଲାଣ ହେଉଥିବାର ଖବର ପାଇଁ ଗୋଛାପଡା ଥାନା ଅଧିକାରୀ ତୃପ୍ତିରଞନ ନାଏକଙ୍କ  ନେତୃତ୍ୱରେ ଏକ ଟିମ୍ ଗୋଛାପଡା-ବାଲନ୍ଦାପଡା ରାସ୍ତାର କାମଟଣା ଗାଁ ନିକଟରେ  ଜଗି ରହିଥିଲେ। ଏହି ସମୟରେ ଉକ୍ତ ରାସ୍ତାଦେଇ ଯାଉଥିବା ଗଂଜେଇ ଚାଲାଣକାରିକୁ ପୁଲିସ୍ ଗିରଫ କରିବାରେ ସଫଳ ହୋଇଥିଲେ। ସମ୍ପୃକ୍ତ ଗଂଜେଇ ମାଫିଆ ଜଣକ ବହୁବାର ପୁଲିସକୁ ଚକମା ଦେଇ ଖସି ଚାଲିଯାଉ ଥିଲା। ଶେଷରେ ଗୋଛାପଡା ପୁଲିସ ତାକୁ କାବୁ କରିବାରେ ସଫଳ ହୋଇଛି। ଗିରଫ ବ୍ୟକ୍ତିଜଣକ ଗୋଛାପଡା ପଚାଂୟତ ଡାମାରାଜୁ ଗ୍ରାମର। ଜବତ ଗଂଜେଇର ମୂଲ୍ୟ ଆନୁମାନିକ ୫୦ ହଜାର ଟଙ୍କା ହେବ ବୋଲି ଥାନା ଅଧିକାରୀ ସୂଚନା ଦେଇଥିବା ବେଳେ ଏନେଇ ଗୋଛାପଡ଼ା ଥାନାରେ ଏକ ମାମଲା ରୁଜୁକରି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି।